Pra heta kiraŭnik Biełarusi Alaksandr Łukašenka skazaŭ na sustrečy z kiraŭnikom Čačni Ramzanam Kadyravym, piša Sputnik.
Łukašenka skazaŭ, što rady sustrečy z kiraŭnikom Čačni. «Dziakuj Bohu, što dajechali. Spadziajemsia, što Biełaruś nie čužaja dla vas ziamla», - skazaŭ biełaruski kiraŭnik, źviartajučysia da Kadyrava.
«Vielmi rady paznajomicca bližej, nie zavočna. Dumaju, što vam spadabajecca ŭ Biełarusi», - skazaŭ biełaruski lidar i zaprasiŭ Kadyrava naviedać krainu nie tolki ŭ ramkach aficyjnaha vizitu.
Pry hetym jon padkreśliŭ, što Biełaruś va ŭsie časy była haścinnym domam dla šmatlikich savieckich narodaŭ. Pavodle słoŭ Łukašenki, haścinnaść źjaŭlajecca vizitnaj kartkaj Biełarusi.
Jon adznačyŭ, što ŭ Biełarusi pražyvaje šmat čačencaŭ. «U nas nikoli nie było prablem. Heta ŭžo našy čačency», — skazaŭ kiraŭnik dziaržavy i ŭspomniŭ situacyju, kali polski bok admoviŭsia pryniać čačenskich mihrantaŭ, i im daviałosia niejki čas zatrymacca ŭ Biełarusi.
Pavodle słoŭ prezidenta, biełaruski bok akazaŭ dapamohu čačenskim hramadzianam. Biełaruski kiraŭnik ź ciepłynioj uspomniŭ pra toje, što niekatoryja čačenskija siamji tady nazvali novanarodžanych chłopčykaŭ Alaksandrami.
Zaprašajučy čačenski bok da supracoŭnictva ŭ ekanamičnaj śfiery, Łukašenka adznačyŭ nadziejnaść biełaruskich partnioraŭ. «Nam važny nadziejny partnior. I vy možacie nie sumniavacca, u našych kampanijach, vas nie padmanuć», - skazaŭ Łukašenka. Pry hetym jon pryvioŭ prykład pra toje, što Biełaruś sutyknułasia ź situacyjaj, kali z-za niesumlennaści rasijskich kamiersantaŭ kraina straciła miljony dalaraŭ. «Sto miljonaŭ dalaraŭ stracili z-za nieprystojnaści biznesmienaŭ», - skazaŭ Łukašenka.
Kiraŭnik dziaržavy taksama adznačyŭ, što maje ciopłyja pačućci da Kaŭkaza i daŭno chacieŭ tam pabyvać.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia4
Kamientary