14 čałaviek ušanavali ŭznaharodami Abjadnanaha pierachodnaha kabinieta
Abjadnany pierachodny kabiniet Biełarusi pryniaŭ rašeńnie pra novaje ŭznaharodžvańnie Kryžom Svabody, miedalami Francyska Skaryny, «Honar i Hodnaść» i «Za plonnuju pracu na karyść Biełarusi», «Niaskoranych» (Łarysy Hienijuš), paviedamiła pres-słužba APKB.
Kryžom Svabody ŭznaharodzili biełaruskaha hramadskaha dziejača, pravaabaroncu, viaźnia sumleńnia, łaŭreata Nobieleŭskaj premii miru Alesia Bialackaha.
Miedalom Francyska Skaryny — biełaruskaha navukoŭca, hramadskaha i palityčnaha dziejača, kanclera «Volnaha Biełaruskaha Ŭniviersiteta» Alaksandra Milinkieviča.
Miedalom «Honar i Hodnaść» — hramadskaha aktyvista, vajskoŭca, dziaržaŭnaha dziejača Siarhieja Bahukalca.
Miedalom «Niaskoranych» (Łarysy Hienijuš) za asabistuju advahu, stojkaść — byłuju palitźniavolenuju Maryju Kaleśnikavu.
Miedalom «Za plonnuju pracu na karyść Biełarusi»:
- ukrainskaha dypłamata, Nadzvyčajnaha i Paŭnamocnaha pasła Pieršaha kłasa, Nadzvyčajnaha i Paŭnamocnaha Pasła Ukrainy ŭ Biełarusi Ihara Kizima;
- ukrainskaha palitołaha, historyka, žurnalista, dyrektara Instytuta suśvietnaj palityki Jaŭhiena Mahdu ukrainskaha carkoŭnaha historyka, dyrektara Instytuta historyi Carkvy Ukrainskaha katalickaha ŭniviersiteta, vice-rektara pa stratehičnym supracoŭnictvie UKU, zahadčyka kafiedry historyi Carkvy Aleha Turyja;
- biełaruskuju piśmieńnicu, žurnalistku Śviatłanu Kurs;
- vajskovaha kapiełana PCU, nastajaciela harnizonnaha chrama śviatoha mučanika Iaana, mitrafornaha protaijereja Jaŭhiena Ordu;
- biełaruskuju i brytanskuju biblistku, doktarku biblistyki, dziajačku biełaruskaj dyjaspary ŭ Vialikabrytanii Karalinu Mackievič;
- biełaruskuju teatralnuju aktorku, aktorku dublaža filmaŭ i aŭdyjaknih Kryścinu Drobyš;
- akciora teatra i kino Ihara Sihava;
- biełaruskuju paetku, litaratarku, viadoŭcu Valarynu Kustavu;
- biełaruskaha akciora, viadučaha Siarhieja Čuba.
Ciapier čytajuć
Pobač z Łukašenkam na chakiei źjaviłasia novaja pryhažunia8
Kamientary