Na sudzie raspaviali, što padčas pieratrusu ŭ kabiniecie eks-kiraŭnika Ministerstva ekanamičnaha raźvićcia Alaksieja Ulukajeva byli znojdzienyja $250 tysiač, załatyja źlitki i maniety, a taksama hadzińniki koštam za 0,5 młn rasijskich rubloŭ.
Padčas ahladu kabinieta eks-ministra ekanamičnaha raźvićcia Alaksieja Ulukajeva, adpraŭlenaha pad chatni aryšt pa spravie ab atrymańni chabaru ŭ $2 młn, byli znojdzienyja najaŭnyja hrošy, darahi hadzińnik i kaštoŭnaści, vynikaje z pratakołu pieratrusu, jaki na sudzie pa spravie Ulukajeva začytaŭ prakuror. Pra heta paviedamlaje karespandent RBK z zały suda.
Pa słovach prakurora, u siejfie ŭ kabiniecie było znojdziena «šmat załatych maniet» i źlitkaŭ. Usiaho dziesiać, udakładniŭ jon, vaha ad 170 hram da krychu bolš za 1 kh.
Akramia taho, u siejfie byli znojdzienyja, jak začytaŭ prakuror, «100 i 150 tysiač dalaraŭ». U siejfie taksama znajšli piesa, rupii i biełaruskija rubli, niekalki dziasiatkaŭ aščadknižak, juvielirnyja ŭpryhažeńni.
Kamientary