Astranomy raskryli pryrodu niadaŭna adkrytaha druhoha naturalnaha spadarožnika Ziamli
Praciahłyja nazirańni za abjektam 2016 HO3, svojeasablivym «druhim Miesiacam» Ziamli, pakazali, što jon sapraŭdy źjaŭlajecca maleńkim asteroidam, a nie skapleńniem «kaśmičnaha śmiećcia», zajavili navukoŭcy, jakija vystupali na štohadovaj płanietałahičnaj kanfierencyi DPS ŭ amierykanskim Prova.
«Niahledziačy na toje, što HO3 znachodzicca zusim pobač ź Ziamloj, vyvučać jaho składana z-za taho, što jon vałodaje vielmi nievialikimi pamierami, jakija nie pieravyšajuć, imavierna, i 30 mietraŭ. Našyja nazirańni pakazvajuć, što hetaje niabiesnaje cieła ździajśniaje adzin abarot vakoł svajoj vosi za prykładna 28 chvilin i składajecca z typova asteroidnych hornych parod», — zaviŭ Višnu Redzi z univiersiteta Aryzony ŭ Tusanie (ZŠA).
Samy blizki i samy stabilny kvazimiesiac Ziamli, asteroid 2016 HO3, byŭ adkryty viadomym astranomam Połam Čodasam z Łabaratoryi reaktyŭnaha ruchu NASA i jaho kalehami ŭ kancy krasavika 2016 hoda. Jon ujaŭlaje ź siabie nievialiki abjekt dyjamietram 30-100 mietraŭ, jaki kružyć vakoł našaj płaniety ŭžo jak minimum adno stahodździe.
Astranomam viadomyja jašče čatyry takija niabiesnyja cieły, jakija stanavilisia časovymi «miesiacami»: heta asteroidy 2003 YN107, 2004 GU9, 2001 GO2 i 2002 AA29. Usie jany mohuć rehularna zbližacca ź Ziamloj, adnak hetyja abjekty, u adroźnieńnie ad 2016 HO3, praviali ŭ kampanii Ziamli pa astranamičnych mierkach imhnieńni: hady abo dziasiatki hadoŭ.
Pieršapačatkova navukoŭcy ličyli, što 2016 HO3 praviadzie razam ź Ziamloj jašče niekalki sotniaŭ hod, što źjaŭlajecca niezvyčajna vialikim terminam dla kvazispadarožnikaŭ, adnak paśla vyśvietliłasia, što «druhi Miesiac» budzie padarožničać razam z našaj płanietaj jašče niekalki miljonaŭ hadoŭ.
Jak akazałasia, «druhi Miesiac» Ziamli adlustroŭvaje śviatło i ciepłavoje vypramieńvańnie dastatkova drenna, što dazvalaje z upeŭnienaściu kazać, što jon źjaŭlajecca asteroidam, a nie «kaśmičnym śmiećciem», i što jon adnosicca da liku samych zvyčajnych asteroidaŭ typu S, jakija składajucca ź silikataŭ žaleza i mahniju.
Hetyja ž zamiery pakazali na toje, što realnyja pamiery 2016 HO3 źjaŭlajucca prykmietna bolš ścipłymi, čym pieršapačatkova mierkavali Čodas i jaho kalehi: dyjamietr hetaha «miesiaca» nie pieravyšaje 36 mietraŭ, što nabližaje jaho pa pamierach da čalabinskaha mietearyta.
Usio heta, jak ličać Redzi i jaho kalehi, robić «druhi Miesiac» Ziamli adnym z samych pryvabnych abjektaŭ dla pravierki instrumientaŭ budučych misij pa zachopie asteroidaŭ — jon addaleny ad nas usiaho na 12 miljonaŭ kiłamietraŭ.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary