U harach Kyrhyzstana z drona adšukali cieły źnikłych biełaruskich alpinistaŭ
Vyratavalnaja apieracyja na piku Kurumdy ŭ Zaałajskim chrybcie Kyrhyzstana, jakaja doŭžyłasia bolš za tydzień, padychodzić da zaviaršeńnia. Ratavalniki znajšli cieły traich alpinistaŭ, siarod jakich dvoje biełarusaŭ i adzin hramadzianin Litvy. Trahiedyja, imavierna, adbyłasia ŭ vyniku kamieniapadu abo schodu śniežna-kamiennaj masy padčas spusku ź viaršyni.
Pra znachodžańnie ciełaŭ siońnia paviedamiŭ na svajoj staroncy ŭ Facebook Alaksandr Śmirnoŭ, jaki kaardynavaŭ pošukavuju apieracyju z boku vałancioraŭ i blizkich. Pavodle jaho słoŭ, znachodka zroblena pry dapamozie bieśpiłotnika na miescy schodu śniežna-kamiennaj łaviny, niepadalok ad taho miesca, dzie dniom raniej byŭ vyjaŭleny raskidany pa schile ryštunak.
«Znachodki na schile złučaje viaroŭka, chłopcy išli ŭ adnoj źviazcy, a nižej pa schile my za hetyja dni znajšli rečy ŭsich traich. Hrupa nie raździalałasia, jany byli razam i zastajucca razam. Nichto nie zastaŭsia na schile adzin», — adznačyŭ Śmirnoŭ.
Pavodle papiarednich danych, sabranych z dapamohaj dronaŭ, trahiedyja pačałasia na vyšyni kala 5400 mietraŭ. Tam zafiksavana zona śviežaha adryvu masy, ad jakoj idzie śled da miesca znachodžańnia ciełaŭ. Što mienavita stała pryčynaj padzieńnia, pakul nie ŭdakładniajecca.
Na fota: Maksim Palanski, Siarhiej Rubcoŭ i Mikałaj Śvirydaŭ
Infarmacyju pra vyjaŭleńnie ciełaŭ ahienctvu BIEŁTA taksama paćvierdziŭ staršynia Biełaruskaj fiederacyi alpinizmu i skałałažańnia Alaksandr Hadleŭski.
Z-za składanaha śniežna-ladovaha reljefu i niebiaśpieki paŭtornych kamieniapadaŭ ratavalniki pakul nie mohuć spuścicca niepasredna da zahinułych dla kančatkovaha apaznańnia i evakuacyi. Łahier ratavalnikaŭ časova zhortvajecca z-za paharšeńnia nadvorja ŭ harach. Apieracyja pa spusku ciełaŭ budzie płanavacca asobna, z ulikam biaśpieki śpiecyjalistaŭ.
Zbor srodkaŭ na vyratavalnuju apieracyju, jaki raniej abviaščali svajaki, aficyjna zakryty.
Nahadajem, što hrupa z troch vopytnych alpinistaŭ — biełarusaŭ Maksima Palanskaha i Mikałaj Śvirydava (abodva mieli zvańnie «Śniežny bars» za pakareńnie piaci siamitysiačnikaŭ byłoha SSSR), a taksama litoŭskaha hramadzianina Siarhieja Rubcova — pierastała vychodzić na suviaź 2 žniŭnia. Napiaredadni, 1 žniŭnia, jany paśpiachova padnialisia na pik Kurumdy vyšynioj 6613 mietraŭ. 4 i 5 žniŭnia kiroŭca biezvynikova čakaŭ ich u damoŭlenym miescy bazavaha łahiera, paśla čaho pačalisia maštabnyja pošuki z pryciahnieńniem MNS Kyrhyzstana, viertalotaŭ i vałancioraŭ z roznych krain.
«Naša Niva» — bastyjon biełaruščyny
PADTRYMAĆ-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
-
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»
Kamientary
Siejčas budut sobirať na vynos i dostavku tieł.
Dla ich siemiej so vsiemi vytiekajuŝimi.