Zasnavalnik «Adkrytaj Rasii» i były kiraŭnik naftavaj kampanii JUKAS Michaił Chadarkoŭski vystupiŭ u svaim fejsbuku z prahramnaj zajavaj nakont budučych prezidenckich vybaraŭ u Rasii. Bajkot hałasavańnia pry nizkaj kolkaści jaho ŭdzielnikaŭ Chadarkoŭski nazvaŭ «samaapraŭdańniem biaździejnaści dla abyvaciela», piša RBK.
Zamiest hetaha, na jaho dumku, pierad demakratyčnym rucham stajać try mety, a mienavita, — «damahacca rehistracyi ŭsich žadajučych kandydataŭ, zdolnych sabrać hałasy»; «Padtrymlivać prasoŭvańnie kandydatami pryncypovych pytańniaŭ, važnych dla budučyni Rasii», a taksama «pryniać udzieł u pratestach volevyjaŭleńnia».
Pad apošnim tezisam, jak patłumačyŭ apazicyjny lidar, jon razumieje hałasavańnie nie «suprać Pucina», a za «luboha prymalnaha kandydata», a ŭ vypadku jaho adsutnaści — suprać usich (prychilniki hetaj idei, na dumku Chadarkoŭskaha, pavinny buduć sapsavać biuleteń).
«Važny fakt admovy hałasavać za zahadzia vyznačanaha pieramožcu, a nie fakt admovy ad svaich hramadzianskich pravoŭ», - padkreśliŭ zasnavalnik «Adkrytaj Rasii». Hałasavańnie apazicyjanier nazvaŭ krokam da ŭpłyvovaj hramadzianskaj supolnaści, a admovu ad jaho — «prajavaj abyjakavaści da losu krainy». Raniej Chadarkoŭski nazvaŭ hetuju taktyku «aktyŭnym bajkotam».
Akramia hetaha, jak adznačyŭ Chadarkoŭski, pad «važnymi dla budučyni Rasii» pytańniami jon razumieje nastupnyja temy
— decentralizacyju i fiederalizacyju krainy i biudžetnuju samastojnaść na rehijanalnym i miascovym uzroŭniach; niezaležnaść sudovaj sistemy pry pašyreńni paŭnamoctvaŭ prysiažnych; vyklučeńnie roli Kramla i FSB pry pryznačeńni sudździaŭ i vyznačeńni sudovych rašeńniaŭ; a taksama paetapny pierachod da parłamienckaj formy praŭleńnia z radykalnym skaračeńniem paŭnamoctvaŭ prezidenta ŭ śfiery ŭnutranaj palityki.
Kamientary