Krama «Darečy» raspracoŭvaje patryjatyčnyja cišotki, jakija raniej nichto ŭ Biełarusi nie rabiŭ
20-hadovy biznesmen Vadzim Makiej razam z baćkam Uładzimiram (my pisali pra ich handlovuju kropku ź biełaruskimi tavarami raniej) pad brendam kramy zapuskajuć novy prajekt «Darečy, Biełarus».
Pad im buduć vychodzić cikavyja cišotki z vyjavami viadomych, niezvyčajnych i jarkich asob biełaruskaha pachodžańnia.
Adnym ź pieršych hierojaŭ, vyjavu jakoha źmieściać na cišotku, stanie vučony Barys Kit.
Astatnija imiony pakul chavajucca ŭ sakrecie. Pamierać ich i nabyć sabie ci ŭ padarunak možna budzie ŭžo vielmi chutka: ciaham miesiaca.
«U Rasii jość šmat vytvorcaŭ, jakija vypuskajuć adzieńnie i z Puškinym, i z Majakoŭskim, i ź Jasieninym — jany kłasna pijarać ajčynnuju kulturu. Jość takoje i ŭ Polščy. U nas hłabalna hetaha nichto jašče nie rabiŭ. Tak, źjaŭlalisia niejkija adzinkavyja rečy, ale my chočam vyjści za hetyja miežy», — raskazvaje Vadzim.
Novyja firmovyja cišotki «Darečy, Biełarus» buduć niezvyčajnych koleraŭ, a sam prynt ad dyzajniera, imia jakoha taksama pakul trymajuć u tajamnicy, budzie vielmi nasyčanym i šmatkalarovym.
Akramia taho, chutka ŭ kramie źjaviacca ŭłasnyja bajki, pryśviečanyja Miensku, i cišotki dla sapraŭdnych partyzanaŭ z łozunham «Maja ziamla — maje praviły». Jany ŭžo adšyvajucca.
Vadzim adznačaje, što ludziam nadakučyli zvyčajnyja majki z «Pahoniaj» i prostyja vyšyvanki. Pakupniki stamilisia ad adnastajnaści, tamu vielmi kłasna reahujuć mienavita na navinki. Aktualnyja prynty kštałtu «1863», jaki byŭ stvorany śpiecyjalna da paŭstańnia Kalinoŭskaha, jakasnaja vyšyŭka i bolš pryjemny ciełu skład tkaniny — na heta robiać staŭku ŭ kramie z nacyjanalnymi rečami, kab pryvabić pakupnikoŭ. Ciapier, kali ludzi majuć vybar, ich bolš nie zadavalniaje prosta nadrukavanaja majka, jany addajuć pieravahu indyvidualna adšytym rečam, chaj jany i kaštujuć krychu bolš.
Pry ŭsim hetym rečy tut adny z samych dastupnych u horadzie.
Pakul navinki jašče nie źjavilisia ŭ prodažy, — kaža Vadzim, — u nas, jak i raniej, možna nabyć rečy i adzieńnie, jakija paśpieli stać chitami siarod sapraŭdnych biełarusaŭ».
Sačycie za abnaŭleńniem asartymientu ŭ aficyjnych supołkach kramy:
Darečy, kali vy chočacie sabie dadatkovuju źnižku na ŭsie hetyja rečy, to prosta skažycie ŭ kramie «Naša Niva» — i budzie vam ščaście.
IP Makiej Vadzim Uładzimiravič UNP 192588587
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary