U Virdžynii transhiendar i pradstaŭnik Demakratyčnaj partyi Danika Roem upieršyniu stała členam Pałaty delehataŭ štata. Jana vyjhrała vybary ŭ šmathadovaha člena Pałaty delehataŭ Virdžynii Robierta Maršała, jaki nazyvaŭ siabie «hałoŭnym hamafobam» štata. Pra heta piša The Washington Post.
32-hadovaja byłaja žurnalistka Danika Roem stała členam Pałaty delehataŭ Virdžynii, pieramohšy respublikanca Robierta Maršała, jaki zajmaŭ hetuju pasadu bolš za 20 hadoŭ. Jana stanie pieršym adkrytym transhiendaram na dziaržaŭnaj pasadzie ŭ ZŠA. Raniej kandydat-transhiendar byŭ abrany ŭ Ńju-Hempšyry ŭ 2012 hodzie, ale jon nie ŭstupiŭ u pasadu, taksama transhiendar pracavaŭ u parłamiencie štata Masačusets u pačatku 1990-ch, ale jon nie zajaŭlaŭ pra svaju transhiendarnaść padčas ahitacyi.
Maršał byŭ samym kansiervatyŭnym zakanadaŭcam štata Virdžynija, piša vydańnie, a Roem uvasablaje bolšaść z taho, z čym zmahaŭsia Maršał u Pałacie delehataŭ. 73-hadovy palityk admoviŭsia ad debataŭ z Roem i vykazvaŭsia pra jaje ŭ mužčynskim rodzie. U svaim fejsbuku jon napisaŭ, što «maje namier praciahvać baraćbu za vas [žycharoŭ štata] u budučyni, ale ŭ inšaj roli».
Roem atrymała 54,6% hałasoŭ, a Maršał — 45,4%. Byłoj žurnalistcy ŭdałosia sabrać na svaju kampaniju amal u 3 razy bolš hrošaj, čym Maršału — $500 tysiač. Bolšaja častka achviaravańniaŭ pastupiła ad prychilnikaŭ ŁHBT. Rabotniki štaba Roem praviali ahitacyju ŭ 75 tysiačach damoŭ, a rabotniki štaba Maršała — u 49 tysiačach damoŭ.
Načalnik milicyi Brahina stralaŭ u svaju žonku. Jana cudam vyžyła9
Kamientary