Zakanadaŭčyja normy ab uviadzieńni dadatkovaj hrafy dla ŭkazańnia treciaha połu pavinny być stvoranyja da kanca 2018 hodu. Ministr pa spravach siamji, žančyn i moładzi Kataryna Barlej uchvaliła rašeńnie Fiederalnaha kanstytucyjnaha suda — paviedamlaje Deutsche Welle.
U zapisach aktaŭ hramadzianskaha stanu maje być stvoranaja mahčymaść dla ŭkazańnia inšaha varyjantu, akramia žanočaha ci mužčynskaha połu. Takoje rašeńnie pryniaŭ Fiederalny kanstytucyjny sud u Karłsrue. Adsutnaść treciaha varyjantu pakazvaje na nieadpaviednaść dziejučych normaŭ zahsaŭ patrabavańniam kanstytucyi, adznačajecca ŭ dakumiencie.
Sud pryjšoŭ da vysnovy, što asabistyja pravy čałavieka abaraniajuć u tym liku i pałavuju identyčnaść tych, chto nie moža adnieści siabie ni da mužčynskaha, ni da žanočaha połu.
Fiederalny kanstytucyjny sud abaviazvaje zamacavać rašeńnie zakanadaŭča da 31 śniežnia 2018 hoda. Prapanujecca, u pryvatnaści, abo ŭ cełym admovicca ad hrafy połavaj prynaležnaści, abo stvaryć mahčymaść dla vybaru «dadatkovaha vyznačeńnia połu, jaki nie źjaŭlajecca ni mužčynskim, ni žanočym».
Drukujecca ŭ miežach śpiecyjalnaj rubryki «Naviny Hiermanii»
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)