Anhlijski paŭabaronca na mundyjali ŭmudryŭsia atrymać žoŭtuju kartku i surjoznuju traŭmu, navat nie vyjšaŭšy na pole
36‑hadovy paŭabaronca zbornaj Anhlii Džordan Chiendersan nie zmoža pry ŭsim žadańni dapamahčy svajoj kamandzie ŭ astatnich matčach čempijanatu śvietu 2026 hoda. A ŭsio tamu, što dzień matča 1/8 finału ź Mieksikaj byŭ jaŭna nie jahony.
Spačatku, znachodziačysia na łaŭcy zapasnych, na 90+8 chvilinie matča Chiendersan atrymaŭ žoŭtuju kartku za sprečki z arbitram. A ŭžo paśla finalnaha śvistka, jaki prahučaŭ nieŭzabavie, prablemy vieterana anhlijskaj zbornaj stali jašče bolš surjoznymi.
Anhličanie ŭ matčy ź mieksikancami pieramahli ź likam 3:2. Chiendersan razam z usimi vybieh na pole śviatkavać pieramohu, a paśla, kali kamanda skiravałasia vitać svaich zaŭziataraŭ, niaŭdała pryziamliŭsia, pieraskokvajučy praz rekłamnyja ščyty.
Futbalistu akazali miedycynskuju dapamohu prosta na poli, paśla čaho vynieśli na nasiłkach z kisłarodnaj maskaj i dastavili ŭ balnicu. Hałoŭny trenier zbornaj Anhlii Tomas Tuchiel paźniej paćvierdziŭ, što paŭabaronca nie zmoža praciahnuć vystupleńnie na turniry. Kažuć, što ŭ jaho pierałom zapiaścia.
Chiendersan u vyniku zastaŭsia ŭ Miechika razam z pradstaŭnikom miedycynskaha štaba i nie viarnuŭsia z kamandaj na trenirovačnuju bazu ŭ Kanzas-Sici.
Uvohule ž na hetym čempijanacie śvietu za piać matčaŭ jon pravioŭ niepasredna ŭ hulni usiaho šeść chvilin, vyjšaŭšy na zamienu ŭ matčy hrupavoha etapu suprać Panamy.
Ispanija vyjšła ŭ čverćfinał. Kryšcijanu Ranałdu i jaho Partuhalija laciać dachaty
Šviedskaja madel sparadziravała pachodku Chołanda i sabrała 90 miljonaŭ prahladaŭ
Narviehija vysadziła Braziliju z čempijanatu śvietu
FIFA adkłała dyskvalifikacyju najlepšaha bambardzira zbornaj ZŠA paśla zvanka ź Biełaha doma
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie11
Kamientary