Sa śniežnia ź Minska ŭ Połack možna budzie dajechać chutčej. Biełaruskaja čyhunka zapuścić pamiž haradami chutkasny ciahnik. Raskład užo jość na sajcie čyhunki, ale kvitki pakul kupić nielha, piša Tut.by.
Ciahnik rehijanalnych linij biznes-kłasa № 739B Minsk-Pasažyrski — Połack užo dadadzieny ŭ raskład na sajcie BČ, choć aficyjna pra novy ciahnik jašče nie abjavili.
U daviedačnaj słužbie čyhunki kažuć: «Ciahnik budzie pryznačacca, ale biletaŭ pakul u prodažy niama».
Miarkujučy pa raskładzie, ciahnik budzie kursiravać z 10 śniežnia štodnia. Adpravicca ź Minska ŭ 17.28, prybudzie ŭ Połack — u 21.03. Čas pajezdki — 3 hadziny 35 chvilin.
Pamiž Minskam i Połackim płanujuć rabić niekalki prypynkaŭ: u Maładziečna (18.27), Vilejcy (18.54), Krulaŭščyźnie (19.52).
Z Połacka ŭ Minsk ciahnik budzie adpraŭlacca ŭ 6.19, prybyvać u Minsk — u 9.57. Pamiž kančatkovymi punktami zapłanavany prypynki na tych ža stancyjach: u Krulaŭščyźnie (7.24), Vilejcy (8.17), Maładziečna (8.34).
Kolki budzie kaštavać bilet na chutkasny ciahnik, pakul nieviadoma.
Ciapier ź Minska ŭ Połack možna dabracca niekalkimi sposabami. Raz na tydzień, pa piatnicach, tudy adpraŭlajecca pramy ciahnik 683B - jon u šlachu 5 hadzin 15 chvilin. U raskładzie niama hetaha ciahnika paśla 8 śniežnia - imavierna, jaho admieniać.
Štodnia chodzić «kruhaśvietny» 625B Minsk - Viciebsk. Jon prybyvaje ŭ Połack u 4.27, adlehłaść pamiž hetym horadam i stalicaj prajazdžaje za 6 hadzin 59 chvilin.
Jašče ź Minska ŭ Połack možna trapić praz Maładziečna: na elektryčcy da hetaha horada i potym na dyziel-ciahniku da Połacka.
Kali Kanapackaja stała padkantrolnaja Łukašenku? Raskazvajuć jaje siabry2
Kamientary