Кіраўнік самаабвешчанай Луганскай народнай рэспублікі (ЛНР) Ігар Платніцкі з'ехаў у Расію. Пра гэта са спасылкай на свайго спецыяльнага карэспандэнта паведамляе «Новая газета».
Па інфармацыі выдання, Платніцкі знаходзіцца ў аўтамабільным картэжы, які пакінуў тэрыторыю Луганска. Разам з ім з рэспублікі з'ехалі кіраўнік ягонай адміністрацыі Ірына Тэйцман, кіраўнік ГТРК «ЛНР» Анастасія Шуркаева і шэраг іншых асоб.
Урадавыя будынкі ў Луганску дагэтуль ачэпленыя ўзброенымі людзьмі. Сярод іх — супрацоўнікі МУС «ЛНР» і міністэрства дзяржбяспекі самаабвешчанай Данецкай народнай рэспублікі.
Напярэдадні адхілены ад пасады «міністр» унутраных спраў ЛНР Ігар Карнет адмовіўся пакінуць сваю пасаду і апублікаваў відэазварот, у якім заявіў, што некаторыя высокапастаўленыя дзеячы самаабвешчанай рэспублікі, уключаючы Тэйцман і Шуркаеву — гэта агентура ўкраінскіх спецслужбаў.
У «ДНР» заявілі пра «выратаванне ЛНР»
Увечары ў аўторак у Луганск ўвайшла калона з дзясяткаў ваенных аўтамабіляў з Данецка. Пасля МДБ «ДНР» афіцыйна прызнала, што праводзіць сумесную спецаперацыю з сілавікамі «ЛНР» супраць «ўкраінскіх дыверсантаў».
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары