Eks-prezident Hruzii, lidar partyi «Ruchu novych sił» Michaił Saakašvili, da jakoha siłaviki pryjšli dadomu ź pieratrusam, zabraŭsia na dach vaśmipaviarchovaha doma, dzie jon pražyvaje, i pahražaje saskočyć uniz, paviedamlaje sajt Televizijnaj słužby navin (TSN) ukrainskaha telekanała «1+1» sa spasyłkaj na svajho karespandenta na miescy padziei.
Paplečnik Saakašvili David Sakvarelidze ŭ aŭtorak ranicaj paviedamiŭ, što nieviadomyja łamajuć dźviery ŭ kvateru Saakašvili ŭ Kijevie, pavodle ŚMI, da jaho ź pieratrusam pryjšli pravaachoŭniki.
«Ciapier Saakašvili znachodzicca na dachu i viadzie pieramovy z mahčymymi pravaachoŭnikami. Čuvać šum. Palityk kaža, što, kali da jaho dakranucca, jon skoknie z dachu. Da domu prybyli ratavalniki i miedyki», — paviedamlaje słužba navin.
Akramia taho, inšy aktyvist palitsiły «Ruch novych sił» Ivan Słabadzianik apublikavaŭ videa. Na im piać čałaviek u vajskovaj formie z našyŭkami SBU pierakryli leśvičny pralot. Na pytańni prychilnikaŭ Saakašvili jany zajavili, što adbyvajucca śledčyja dziejańni, pieradaje RBK-Ukraina.
Saakašvili maje namier źviarnucca ŭ pravaachoŭnyja orhany z zajavaj ab pryciahnieńni da kryminalnaj adkaznaści kiraŭnictva Hienieralnaj prakuratury i Słužby biaśpieki Ukrainy «za złoŭžyvańnie słužbovym stanoviščam». Svaju zajavu ŭ Nacyjanalnaje antykarupcyjnaje biuro palityk płanavaŭ padać siońnia a 12-j hadzinie.
Ciapier čytajuć
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści6
Kamientary