Vychavaniec Mahiloŭskaha śpiecvučylišča atrymaŭ traŭmu pry sprobie ŭciokaŭ, paviedamili BiełTA ŭ Ministerstvie adukacyi.
«Pa najaŭnaj infarmacyi, sa śpiecvučylišča zakrytaha typu horada Mahilova byli ździejśnieny ŭcioki 6 vychavancami. Va ŭstanovie vychoŭvajucca padletki, jakija ździejśnili kryminalnyja złačynstvy ci inšyja supraćpraŭnyja dziejańni. Padčas uciokaŭ, pieraskokvajučy cieraz płot, adzin z uciekačoŭ atrymaŭ traŭmu pazvanočnika», — prainfarmavali ŭ ministerstvie.
Pry pastupleńni sihnału ad baćkoŭ pa fakcie ŭciokaŭ i źbićci supracoŭnikami śpiecvučelni hetych padletkaŭ pradstaŭniki Ministerstva adukacyi byli aryjentavany dla pryniaćcia mier reahavańnia.
Usie dalejšyja rašeńni prymalisia sumiesna z pravaachoŭnymi orhanami. «Luby hvałt va ŭstanovach adukacyi niedapuščalny. Dla papiaredžańnia padobnych prajaŭ pryniaty šerah kiraŭničych i arhanizacyjnych rašeńniaŭ. Hetaje pytańnie znachodzicca na kantroli ŭ Ministerstvie adukacyi», — adznačyli ŭ viedamstvie.
Jak paviedamlałasia, kryminalnaja sprava pa č. 3 art. 426 (pieravyšeńnie ŭłady abo słužbovych paŭnamoctvaŭ) KK zaviedzienaja ŭ dačynieńni da dyrektara śpiecvučylišča i jaho namieśnika, jany zatrymanyja i zaklučany pad vartu.
Rasśledavańniem zajmajecca USK pa Mahiloŭskaj vobłaści. Śledstva vyjaviła, što dvoje mužčyn pry vyśviatleńni ŭ šaściarych vychavancaŭ abstavinaŭ i pryčyn samavolnaha sychodu z terytoryi vučylišča źbili niepaŭnaletnich. Zatym jany arhanizavali niezakonnaje ŭtrymańnie padletkaŭ u pakoi, abmiažoŭvajučy tym samym svabodu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary