U staličnaj padatkavaj inspekcyi kažuć: «Padstavaj zatrymlivać čałavieka, jaki pierapradaje bilety, u nas niama. Raptam jon kupiŭ kvitki dla svaich siabroŭ, a jany nie pryjšli na matč?».
Pra heta «Narodnaj haziecie» paviedamili ŭ staličnaj padatkavaj inspekcyi.
«Kali b ludzi zajmalisia takim biznesam systematyčna, heta była b niezakonnaja pradprymalnickaja dziejnaść, ale matčy, jakija karystajucca popytam u biełaruskich zaŭziataraŭ, prachodziać u Miensku vielmi redka. Padstavaj zatrymlivać čałavieka, jaki pierapradaje bilety, skažam raz na hod, u nas niama. Raptam jon kupiŭ kvitki dla svaich siabroŭ, a jany nie pryjšli na matč? Dyj pieraprodaž biletaŭ nie źjaŭlajecca zarehistravanym vidam dziejnaści. Lepš chaj milicyja padumaje, adkul pierakupščyki biaruć stolki bileta…»
«Narodnaja hazieta» padkreślivaje, što na pieršy ŭ Biełarusi matč Lihi čempijonaŭ niekatoryja nabyvali pa 150 — 200 biletaŭ «nibyta dla siabie, svajakoŭ i siabroŭ».
***
Bilety na matč BATE — Juventus, što projdzie ŭ Miensku 30 vieraśnia, pastupili ŭ prodaž u stalicy 16 vieraśnia i skončylisia na nastupnyja sutki.
U prodaž u stalicy pastupiła krychu bolš za vosiem tysiač kvitkoŭ, rešta była pradadziena ŭ Barysavie, a taksama raspaŭsiudžana praz arhanizacyju «ABFF‑Padarožža» i pradpryjemstvy.
Kala čatyroch tysiač miescaŭ zarezervavanyja za supracoŭnikami milicyi, vasiemsot miescaŭ nie pastupili ŭ kasy praz abmiežavanuju bačnaść stadyjonu, 824 bilety byli pieradadzienyja italjancam.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3030
Kamientary