U MUS prakamientavali spravu viciebskaha viadučaha, jaki niebiaśpiečna pažartavaŭ na zakrytym mierapryjemstvie
5 listapada stała viadoma, što paśla vystupu viciebskaha viadučaha Vitala Savieljeva pierad 50 udzielnikami zakrytaha iventa niechta ź ich adpraviŭ u čat-bot milicyi videa i napisaŭ, byccam jon žartavaŭ na palityčnyja temy. Praź dźvie hadziny pa Savieljeva pryjechali, a ciapier siłaviki dali svaju viersiju hetaj spravy.
Jak śćviardžajuć siłaviki, 38‑hadovy viadoŭca padčas karparatyŭnaha mierapryjemstva ŭ adnoj z ustanoŭ Viciebskaha rajona nieprystojna vykazvaŭsia pra svajho kalehu, u tym liku vykarystoŭvaŭ niecenzurnuju leksiku. Pry hetym jon «asudžaŭ jaho ŭzajemadziejańnie ź dziaržarhanizacyjami ŭ prafiesijnaj dziejnaści».
Z dałučanaha karotkaha frahmienta vystupu ciažka ŭłavić jaho ahulny kantekst, ale možna mierkavać, što siłaviki zaŭvažyli hałoŭnuju kramołu ŭ słovach pra «svaich 20‑pracentnych prykarytnikaŭ, ci kolki ŭ ciabie pracentaŭ».
U milicyi paviedamlajuć, što ciapier pa spravie pravodzicca pravierka, pavodle vynikaŭ jakoj dziejańniam viadučaha «daduć pravavuju acenku».
Taksama vyhladaje, što videazvarot samoha Savieljeva, ź jakoha pra situacyju stała viadoma šyrokaj hramadskaści, mohuć traktavać jak «raspaŭsiud u internecie niedakładnych źviestak, jakija stvarajuć pierakryŭlenaje ŭjaŭleńnie pra zdareńnie». Za heta pahražajuć navat kryminalnaj adkaznaściu.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary
[Zredahavana]
Kakoj užas, užie za šutki pro procienty sudiat.