49‑hadovaha leśnika z radzimy Łukašenki z dvuma dziasiatkami sudzimaściaŭ uziali ŭ pałon va Ukrainie
Hvałtaŭnik Vasil «Kułon» Varapajeŭ zdaŭsia ŭ Łuhanskaj vobłaści.
Vasilu Varapajevu 49 hadoŭ, jon rodam z haradskoha pasiołka Białyničy Mahiloŭskaj vobłaści, ale žyŭ mužčyna ŭ Kopysi — u hetym miastečku ŭ Aršanskim rajonie naradziŭsia Łukašenka.
Pavodle danych baz, u 2000‑ch jon pracavaŭ u «Mahiloŭlesie», na pradpryjemstvie ciepłaenierhietyki i ślesaram u ŽEU, a z 2014 da 2020 hoda byŭ absiakalnikam sukoŭ, valščykam lesu i leśnikom u Kopyskim laśnictvie Aršanskaha lashasa.
Pa źviestkach Biełpoł, da 2020 hoda ŭ bijahrafii mužčyny naličvajecca kala dvuch dziasiatkaŭ zapisaŭ pa kryminalnych spravach.
Pieršyja prysudy za kradziažy, chulihanstva i zhvałtavańnie jon atrymaŭ jašče ŭ 1995 hodzie. Paźniej jaho nieadnarazova sudzili za ŭchileńnie ad adbyćcia pakarańnia, hvałt u dačynieńni da supracoŭnika milicyi, paŭtornaje pjanaje kiravańnie dy novyja kradziažy — u mužčyny dvojčy kanfiskoŭvali aŭtamabili (Volkswagen Jetta i Ford Transit).
Paźniej Varapajeŭ dałučyŭsia da Uzbrojenych sił Rasii, dzie słužyŭ u zvańni radavoha i atrymaŭ pazyŭny «Kułon».
U lutym 2026 hoda pavodle źviestak prajekta «Chaču znajści» ŭ Łuhanskaj vobłaści Ukrainy jon trapiŭ u pałon.
«Naša Niva» — bastyjon biełaruščyny
PADTRYMAĆ
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary