8 i 9 listapada va Lvovie adbuducca dźvie sustrečy ź biełaruskim žurnalistam, byłym palitviaźniem i aktyvistam Sajuza palakaŭ Biełarusi Andžejem Pačobutam. Pra heta paviedamili Centr polskaj kultury ŭ Lvovie i Centr pamiežža Ukrainskaha katalickaha ŭniviersiteta, zaŭvažyła vydańnie Reform.news.
Pieršaja sustreča zapłanavanaja na 8 listapada a 19:00 u Centry polskaj kultury na vulicy Vińničenki, 30. Dla Pačobuta heta budzie pieršy vizit u Lvoŭ.
Arhanizatary nazyvajuć mierapryjemstva mahčymaściu asabista pahutaryć z žurnalistam pra svabodu, salidarnaść, polskuju identyčnaść i canu, jakuju davodzicca płacić za viernaść ułasnym pierakanańniam. Prajekt finansujecca Ministerstvam zamiežnych spraŭ Polščy ŭ miežach prahramy «Pałonija i palaki za miažoj — 2026».
Druhaja sustreča adbudziecca 9 listapada apoŭdni va Ukrainskim katalickim univiersitecie, u studenckim centry K2 na vulicy Kazielnickaj, 2A. Jaje temaj stanie «Ukraina pad ciskam: ci jość u niezaležnaści i demakratyi šaniec vystajać u sučasnym śviecie?»
Udzielniki źbirajucca abmierkavać baraćbu za svabodu, canu niezaležnaści, dośvied supraćstajańnia aŭtarytaryzmu, a taksama vykliki, pierad jakimi siońnia stajać Ukraina, Biełaruś i demakratyčny śviet.
Maderatarkaj sustrečy budzie vałanciorka i pradstaŭnica biełaruskaj supolnaści Lvova Alina Rudzina.
Arhanizatarami vystupajuć Centr pamiežža Ukrainskaha katalickaha ŭniviersiteta, Centr polskaj kultury ŭ Lvovie i Fond padtrymki palakaŭ na Uschodzie pry ŭdziele pradstaŭnikoŭ miascovaj biełaruskaj supolnaści.
Raniej Andrej Pačobut u razmovie z polskim vydańniem Rzeczpospolita paviedamiŭ, što ŭ śniežni vierniecca ŭ Biełaruś na pastajannaje žycharstva. Raniej jon na tydzień źjeździŭ na radzimu ŭ vieraśni.
«Majo viartańnie — dakładna ŭ turmu». Aleś Bialacki — pra prykład Pačobuta i mahčymuju realnuju kolkaść palitviaźniaŭ
Andrej Pačobut viartajecca ŭ Biełaruś na pastajannaje žycharstva ŭ śniežni
Ahienctva ŭnutranaj biaśpieki Polščy pakazała, jak mianiali Andreja Pačobuta
Andrej Pačobut staŭ «Asobaj hoda» ŭ Polščy
Pačobut parazvažaŭ pra budučyniu ŭ rehijonie: Kali hieahrafična Biełaruś źjaŭlajecca častkaj Jeŭropy, to palityčna — heta častka Azii
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»47
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary
Voś tolki ŭ aryhinalnym letapisu, u samaj pieršaj viersii hetaj bajki, za Susaninym jšli "litoŭskija ludzi".
Pačabut sam siabie zhubiŭ. A hetaje ŭsio, ad elemientarnaj niepiśmiennaści.
Vy žadajecie być kim zaŭhodna: palakami, litOŭcami, rasiejcami, vučyć čužuju movu, zamiest taho kab zastavacca saboj, šanavać svaju movu j viedać praŭdu.
Što z vami nie tak?
)))Navrockaha dakładna...
Pačujem pabačym pa jakomu paśviedčańni asoby....))