U adroźnieńnie ad «Juventusa». U sieradu supierniki BATE pa Lizie čempijonaŭ praviali matčy ŭ nacyjanalnych čempijanatach.
U sieradu supierniki BATE pa Lizie čempijonaŭ praviali matčy ŭ nacyjanalnych čempijanatach.
Turynski «Juventus», ź jakim biełaruskamu klubu zmahacca ŭ nastupny aŭtorak na «Dynama», zhulaŭ na svaim poli ŭničyju z «Katańjaj» — 1:1
Haspadary na 16‑j chvilinie adkryli lik, vyznačyŭsia Amaury, ale na 68‑j Płazmaci adnaviŭ raŭnavahu.
«Juventus» vyjšaŭ na matč u nastupnym składzie:
Maninhier, Hryhiera, Lehratalle, Ḱjalini, De Čelje, Markjoni (Salichamidžyč, 69), Poŭlsen, Markizijo (Ćjahu, 83), Džavinka (Niedvied, 84), Amaury, Del Pjera.
Paśla čatyroch turaŭ «Juventus» zajmaje piaty radok u čempijanacie, majučy na svaim rachunku dźvie pieramohi i dźvie ničyi. Na pieršym miescy idzie milanski «Inter», apiaredžvajučy «Staruju sieńjoru» na dva punkty.
Nastupny matč u čempijanacie Italii «Juventus» praviadzie ŭ haściach suprać «Sampdoryi».
***
Madrydzki ž «Reał» razhramiŭ u sieradu na «Sanćjaha Bernabeŭ» chichonski «Sportynh» — 7:1. Chiet‑tryk na rachunku Rafaela van der Varta, dva miačy zabiŭ Raul, pa adnym Ihuain i znoŭ taki halandziec ‑‑ Roben.
U subotu «Reał» zhulaje ŭ haściach suprać sevilskaha «Betysa», a ŭ aŭtorak u Sankt‑Pieciarburhu suprać «Zienita».
BATE svoj matč praviadzieńnie siońnia.U čaćvier projdzie čarhovy tur čempijanatu Biełarusi. Barysaŭski klub zhulaje ŭ haściach suprać «Homiela». Hety matč pakaža telekanał «Ład». Pačatak tranślacyi ŭ 21:20.
Kamientary