Šachty, katakomby i cełyja harady: top-5 hihanckich padziamiellaŭ, stvoranych ludźmi — šmat FOTA
Na praciahu stahodździaŭ roznyja mety vymušali ludziej spuskacca pad ziamlu — časova abo nazaŭsiody — i budavać tam novy śviet. Tak uźnikli cełyja padziemnyja harady, niekatoryja ź jakich nastolki vialikija, što čas ad času tam biasśledna źnikajuć ludzi.
My vybrali piać hihanckich padziemnych zbudavańniaŭ, jakija byli stvoranyja ludźmi ŭ roznyja časy i vydatna demanstrujuć vielič inžyniernaje dumki čałavieka.
1. Adeskija katakomby
Va ŭkrainskaj Adesie znachodzicca samaja vialikaja sietka padziamiellaŭ u śviecie. Tut znachodziacca kamieniałomni, jakija ŭjaŭlajuć taneli i piačory praciahłaściu 2 500 kiłamietraŭ, jakija praciahvajuć raści z kožnym dniom, bo zdabyča kamienia (rakušačnika) dla budaŭnictva praciahvajecca i ŭ našyja dni. A ŭ časy Druhoj suśvietnaj vajny tut chavalisia partyzany.
Rehularna ŭ adeskich katakombach hublajucca ludzi, pošuki jakich časam zajmajuć dva-try dni i nie zaŭsiody zakančvajucca paśpiachova.
2. Padziemny horad Derynkuju
Horad na terytoryi sučasnaj Turcyi, u jakim ludzi na praciahu stahodździaŭ chavalisia ad nabiehaŭ kačeŭnikaŭ, relihijnych pieraśledaŭ i inšych niebiaśpiek, byŭ pabudavany try tysiačy hod tamu.
Dasiahajučy hłybini kala 60 mietraŭ, horad maje 8 jarusaŭ z žyłymi kvaterami, cerkvami, brovaram i inšymi hramadskimi miescami i ŭ staražytnyja časy moh dać prytułak 20 tysiačam čałaviek. Tam zachoŭvali taksama pradukty, trymali tavar.
Płošča horada dakładna nie ŭstanoŭlena: jana składaje, pavodle roznych źviestak, da 16 kvadratnych kiłamietraŭ, ale navukoŭcy miarkujuć, što ciapier daśledavana tolki kala 15% usiaho padziamiella.
3. Padziemny horad Kajmakły
Jašče adzin padziemny horad — Kajmakły — znachodzicca ŭ tym ža histaryčnym rajonie Kapadokija, što i Derynkuju, i źviazany ź im dzieviacimietrovym tunelem. Padziemnyja prytułki zbolšaha składalisia z dvuchpakajovych kvateraŭ, u jakich za košt sistemy vientylacyi padtrymlivałasia pastajannaja tempieratura 27 °S.
U piačorach taksama vyjaŭlenyja kuchni, stajni, vinny sklep, kaplica sa spaviadalniaj, składskija pamiaškańni dla zachoŭvańnia praduktaŭ charčavańnia na niekalki miesiacaŭ. U ścienach hetaha horada mahli chavacca kala 15 000 čałaviek.
4. Salanaja šachta ŭ Vialičcy
Raźmieščanaja la Krakava salanaja šachta Vialička była pabudavanaja ŭ CHIII stahodździ, i sol tut zdabyvałasia ažno da 2007 hoda. Z hadami tut sfarmiravaŭsia padziamielny kompleks, dzie jość statui, kaplicy, hateli i navat sabor. Akramia hetaha, u šachcie jość vialikaje padziemnaje voziera.
Daŭžynia šachty składaje kala 300 kiłamietraŭ. Padčas Druhoj suśvietnaj vajny jana vykarystoŭvałasia niemcami pad vytvorčaść bojeprypasaŭ.
Usia hetaja vielič u centry Jeŭropy pryciahvaje siudy sotni tysiač turystaŭ u hod.
5. Padziemny horad Naur
Naur, jaki mieścicca ŭ Francyi i byŭ pabudavany ŭ ICH stahodździ, byŭ zdolny raźmiaścić da troch tysiač čałaviek. Sietka padziemnych vulic, halerej i płoščaŭ dasiahaje dvuch kiłamietraŭ i raźmiaščajecca, u siarednim, na hłybini 33 mietry.
Čytajcie taksama: Top-5 zahadkavych padvodnych zbudavańniaŭ staražytnaści z usiaho śvietu
Kamientary