Rašeńnie ZŠA ab pradastaŭleńni Ukrainie latalnaj abarončaj zbroi — «pryncypovaje i doŭhačakanaje rašeńnie» i «hodny adkaz na praciah akupacyi Rasijaj ŭkrainskaj terytoryi».
Pra heta viečaram 23 śniežnia zajaviŭ prezident Piatro Parašenka na svajoj staroncy ŭ fejsbuku, kamientujučy rašeńnie Dziarždepa ZŠA ab pradastaŭleńni Ukrainie «ŭzmocnienych abaronnych mahčymaściaŭ».
«Jak i damaŭlalisia z prezidentam Donaldam Trampam, bieź lišniaha šumu, spakojna, Ukraina atrymaje latalnuju abarončuju zbroju z ZŠA. Heta pryncypovaje i doŭhačakanaje rašeńnie Amierykanskaj administracyi było paćvierdžana padčas majoj ŭčorašniaj razmovy ź dziaržsakratarom Reksam Tylersanam», — adznačyŭ Parašenka.
Jon dadaŭ, što heta zbroja ŭ rukach ukrainskich voinaŭ «nie dla nastupu, a dla rašučaha adporu ahresaru, abarony ŭkrainskich voinaŭ i mirnaha nasielnictva, a taksama efiektyŭnaj samaabarony ŭ adpaviednaści z art. 51 Statuta AAN».
«Heta taksama transatłantyčnaja pryščepka ad rasijskaha virusu ahresii. … Taki krok u tandemie z uzmacnieńniem sankcyj suprać Rasiei - hodny adkaz na praciah akupacyi ŭkrainskaj terytoryi, nievykanańnie Maskvoj svaich abaviazacielstvaŭ, i praciah nakački Danbasa ciažkim zbrojaj», - zajaviŭ prezident Ukrainy.
Načalnik milicyi Brahina stralaŭ u svaju žonku. Jana cudam vyžyła9
Kamientary