IAC: U rejtynhu samych lubimych hledačami telekanałaŭ «Biełaruś-1» mocna prajhraje rasijskamu TNT

Na pytańnie «Jaki ŭ vas lubimy telekanał» najbolšaja kolkaść hledačoŭ adkazvaje «NTV-Biełaruś». A «Biełaruś-1» sastupaje ŭ rejtynhu navat rasijskamu zabaŭlalnamu TNT. Heta kanał, jaki tranśluje sieryjały, humarystyčnyja prahramy, a taksama šou «Dom-2».

Pavialičyć

Takija vyniki daśledavańniaŭ, praviedzienych u 2016 hodzie pad ehidaj Infarmacyjna-analityčnaha centra pry Administracyi prezidenta, apublikavanych u adpaviednym statystyčnym zborniku.

U daviedniku nie ŭkazvajecca, kolki čałaviek udzielničała ŭ apytańniach i kali kankretna jany pravodzilisia.

Źvierniemsia da raździeła, pryśviečanaha ŚMI. 86% apytanych atrymlivajuć infarmacyju pa telebačańni, 57% — u internecie, 43% — u drukavanych ŚMI, 29% — pa radyjo.

Adnak varta ŭdakładnić, što ŭ moładzi (18—29 hadoŭ) inšyja pryjarytety. Infarmacyju ź internetu atrymlivaje 91% respandentaŭ, 67% — z telebačańnia, 23% — z drukavanych ŚMI, 20% — z radyjo.

Samyja papularnyja telekanały (hladzieli choć raz na praciahu miesiaca)

1. ANT — 67,7% (lubimaja prahrama na telekanale — tok-šou «Niachaj havorać»)
2. «NTV-Biełaruś» — 64,6% (tok-šou «Havorym i pakazvajem»)
3. «Biełaruś-1» — 59,7% (kryminalnaja chronika «Zona Ch»)
4. «RTR-Biełaruś» — 54,8% (tok-šou «Žyvy efir»)
5. «Biełaruś-2» — 44,2% («Telebaromietr»)
6. STB — 35,6% (kulinarnaje šou «Zvanaja viačera»)
7. «Mir» — 29,7%
8. TNT — 24,9%
9. «Biełaruś-3» — 22,2%
10. «Biełaruś-5» — 17%

Bolš pakazalnym vyhladaje inšy śpis, jaki ŭtvaryŭsia z adkazaŭ na pytańnie pra lubimy kanał.

Jaki telekanał vaš lubimy?

1. «NTV-Biełaruś» — 16,3%
2. «RTR-Biełaruś» — 13,8%
3. ANT — 10,8%
4. TNT — 8,2%
5. «Biełaruś-1» — 4,5% 

Źviartaje na siabie ŭvahu lidarstva telekanałaŭ, zasnavanych na rasijskim kantencie. A «Biełaruś-1» istotna prajhraje ŭ hladackaj lubovi navat rasijskamu zabaŭlalnamu TNT.

Samyja papularnyja haziety (čytali choć raz na praciahu miesiaca)

1. «Sovietskaja Biełoruśsija» — 34,4%
2. «Kamsamolskaja praŭda» — 30,3%
3. «Arhumienty i fakty» — 29%
4. «Respublika» — 9,9%
5. «Z ruk u ruki» — 9,2%

Jakaja hazieta vaša lubimaja?

1. «Kamsamolskaja praŭda» — 12,7%
2. «Sovietskaja Biełoruśsija» — 7,9%
3. «Arhumienty i fakty» — 7,6%
4. «Siabar piensijaniera» — 2,4%
5. «Žanočaja hazieta» — 1,9%

Pry hetym śćviardžajecca, što čytačoŭ haziet najbolš cikaviać… mižnarodnyja padziei. A miascovyja naviny nibyta chvalujuć u paŭtara razu mienš aŭdytoryi.

Samaja papularnaja radyjostancyja (słuchali choć raz na praciahu miesiaca)

1. Pieršy nacyjanalny kanał — 21%
2. «Radyus FM» — 19,1%
3. «Radyjo Roks» — 13,8%
4. «Ruskaje radyjo» — 11,1%
5. «Alfa radyjo» — 6,9%

Jakaja vaša lubimaja radyjostancyja?

1. «Radyjo Roks» — 9,3%
2. Radyus FM — 6,8%
3. «Ruskaje radyjo» — 5,7%
4. Pieršy nacyjanalny kanał — 4,3%
5. «Miełodyi stahodździa» — 4,0%.

Samaje lubimaje radyjo ŭ biełarusaŭ — toje, dzie kruciać najbolš rasijskich błatnych piesień.

Na jaki sajt vy zachodzili za apošnija sutki?

1. «Ukantakcie» — 28,2%
2. «Adnakłaśniki» — 24,1%
3. Tut.by — 19,7%
4. «Jandeks» — 14,2%
5. «Huhł» — 11,3%
6. «Jutub» — 10,8%
7. «Anłajnier» — 7,5%
8. Mail.ru — 7,4%
9. «Kufar» — 3,8%
10. «Fejsbuk» — 3,1% 

Jaki vaš sajt samy lubimy?

1. «Adnakłaśniki» — 14,1%
2. «Ukantakcie» — 10,9%
3. Tut.by — 6,2%
4. «Jutub» — 6,2%
5. «Anłajnier» — 3,4%

Akaŭnty «Ukantakcie» majuć 68,4% apytanych, u «Adnakłaśnikach» — 67,5%. Astatnija sietki značna adstajuć. U «Fejsbuku» zarehistravanyja 22,8% respandentaŭ, a ŭ «Instahramie» — 9,7%. Dalej iduć «Moj mir» (4%), «Tvitar» (3,7%) i «Jutub» (3,2%).

• 0
• 0
• 0
• 0
• 0
• 0