Biełarusy siońnia kampiensujuć 85% vydatkaŭ za spažyvanuju elektraenierhiju. Pra heta paviedamiŭ ministr enierhietyki Uładzimir Patupčyk u prahramie «Hałoŭny efir». Pavodle jaho słoŭ, užo ŭ 2018 hodzie nasielnictva budzie raźličvacca za elektraenierhiju pa poŭnym taryfie, piša Tut.by.
— Uzrovień kampiensacyi (nasielnictvam) na elektryčnuju enierhiju składaje 85%, na ciepłavuju enierhiju - 18%. Uzrovień kampiensacyi cany hazu składaje tolki 40%, — paviedamiŭ ministr. — Tamu my dla siabie pastavili zadaču ŭ hetym hodzie, kab nasielnictva vyjšła na 100-pracentnuju kampiensacyju zatrat na vytvorčaść elektryčnaj enierhii. Na žal, heta nie atrymajecca ŭ suviazi z pryniatymi rašeńniami ŭrada i na ŭzroŭni kiraŭnika dziaržavy. Ale u 2018 hodzie my zabiaśpiečym 100-pracentnuju kampiensacyjaj nasielnictvam taryfaŭ na elektryčnuju enierhiju.
Uładzimir Patupčyk dadaŭ, što ŭ płanach - vychad na apłatu nasielnictvam pa poŭnym taryfie i spažytaj ciepłaenierhii.
- Što datyčycca taryfu na ciepłavuju enierhiju, a heta samy darahi resurs, my budziem paśladoŭna ruchacca da taho, kab vyjści na 100-pracentnuju kampiensacyju. Pryčym tut ruch idzie ŭ roznych napramkach, — skazaŭ ministr enierhietyki. — Z adnaho boku, idzie pavyšeńnie taryfaŭ dla nasielnictva, a z druhoha boku — za košt efiektyŭnaj pracy biełaruskaj enierhasistemy i źnižeńnia koštaŭ na haz dla Respubliki Biełaruś my zmožam zabiaśpiečyć pavyšeńnie ŭzroŭniu kampiensacyi nasielnictvam, rezka nie pavialičvajučy košt samoha taryfu dla ludziej. Čamu my zaraz aktyŭna viadziem pieramoŭny praces z Rasijskaj Fiederacyjaj ab źnižeńni koštaŭ na haz dla Respubliki Biełaruś.
Ciapier čytajuć
Što Babaryka i Kaleśnikava adkazali na pytańni pra vajnu91
Kamientary