Napiaredadni śviatočnaha kancerta, jaki adbudziecca 7 studzienia ŭ minskim Pałacy kultury imia Šarko, Źmicier Vajciuškievič pradstaviŭ novuju pieśniu «Kaladka» na słovy Uładzimira Niaklajeva. Heta pieršy za šmat hod tancavalny zapis artysta.
Kampazicyju supravadžaje videa Siarhieja Sacuka, źniataje pierad Novym hodam u Minsku i vakolicach.
— Heta taki trochi šalony ekśpierymient — sproba zrabić pieśniu, jakaja moža hučać na sučasnych masavych śviatach u horadzie. Zaraz vielmi mała tancavalnych kampazicyj na biełaruskaj. I kali dla moładzievaj publiki jakasnyja rečy robić Shuma, dla darosłaj i nieesteckaj aŭdytoryi zusim ničoha niama, — raspavioŭ Źmicier.
Kancert 7 studzienia projdzie ŭ tradycyjnym dla Vajciuškieviča i WZ-Orkiestra liryčnym i žyvym hučańni. Buduć najlepšyja pieśni z roznych albomaŭ, a taksama śviatočnyja i dziciačyja. Źmicier zaprašaje ŭsich prychodzić na kancert siamiejna — niekatoryja pieśni muzyki vykanajuć razam ź dziećmi.
Dzie i kali: 7 studzienia, PK imia Šarko (Minsk, vuł. Uralskaja, 3), 19:00
Kvitki: ad 23 rubloŭ
Prodaž: na sajcie i ŭ kasach Kvitki.by, u sałonach «Jevrosieť» i «Śviaznoj»
Infalinija: (033) 661 14 32
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary