Zatrymanaha ŭ listapadzie pa padazreńni ŭ kradziažy hrašovych srodkaŭ minskaha biznesoŭca Michaiła Sitnika vypuścili z-pad varty pad padpisku ab niavyjeździe. Pra heta TUT.BY raspaviała infarmavanaja krynica. U Śledčym kamitecie paviedamili, što miera strymańnia ŭ dačynieńni da Sitnika ŭžo sapraŭdy nie źviazanaja z utrymańniem pad vartaj.
— Tydni dva tamu vypuścili Sitnika pad padpisku, — raspavioŭ infarmavany surazmoŭca.
Načalnik adździeła infarmacyi Śledčaha kamiteta Siarhiej Kabakovič paviedamiŭ, što rasśledavańnie kryminalnaj spravy praciahvajecca.
— U ciapierašni čas miera strymańnia ŭ dačynieńni da kiraŭnictva kampanii nie źviazanaja z utrymańniem pad vartaj, — dadali ŭ SK.
Nahadajem, u siaredzinie listapada dva kiraŭniki kampanii-zabudoŭščyka «ImobilenInviest» stali padazravanymi pa kryminalnych spravach ab kradziažy. U dačynieńni da adnaho ź ich — Michaiła Sitnika — była prymieniena miera strymańnia ŭ vyhladzie zaklučeńnia pad vartu.
Pa vynikach pravierki finansavaj milicyi vyśvietliłasia, što słužbovyja asoby pradavali pa niekalki razoŭ roznym asobam pamiaškańni FAKa, jaki budujecca ŭ Malinaŭcy.
— Usiaho TAA «ImobilenInviest» było zaklučana dahavoraŭ na realizacyju niežyłych pamiaškańniaŭ FAKa ahulnaj płoščaj 7,3 tysiačy kvadratnych mietraŭ, prytym što jaho prajektnaja płošča skłała krychu bolš za 5 tysiač kvadratnych mietraŭ, — paviedamlali tady ŭ DFR.
Departamientam raspačatyja kryminalnyja spravy pa častcy 4 artykuła 210 (Kradziež šlacham złoŭžyvańnia słužbovymi paŭnamoctvami) KK RB. Škoda pa ich skłała kala 900 tysiač rubloŭ (450 tysiač dalaraŭ). Heta tyja hrošy, jakija kampanija atrymała za paŭtornuju realizacyju pamiaškańniaŭ FAKa.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary