Polšča spadziajecca na značny ŭdzieł Złučanych Štataŭ u madernizacyi armii krainy. Pra heta zajaviŭ kiraŭnik MZS Polščy Jacek Čaputovič paśla sustrečy dziaržsakratara ZŠA Reksa Tylersana z premjeram respubliki Matevušam Maravieckim, pieradaje wPolityce.
«My spadziajemsia, što biahučyja pieramovy ab sistemie [PRA] Patriot i inšaha ŭzbrajeńnia, u tym liku ab viertalotach Black Hawk, zroblenych u Polščy, chutka buduć zavieršanyja», — dadaŭ ministr. Pavodle jaho słoŭ, Varšava raźličvaje nie tolki na impart zbroi, ale i na madernizacyju polskich pradpryjemstvaŭ z dapamohaj ZŠA.
Dypłamat padkreśliŭ, što Polšča nastojvaje na «ŭsio bolš i bolš» praciahłaj prysutnaści ŭ krainie amierykanskaha vajskovaha kantynhientu, bo heta daje polskamu narodu «pačućcio biaśpieki».
Varšava i Vašynhton niekalki apošnich miesiacaŭ viaduć pieramovy ab pastaŭkach u Polšču amierykanskich kompleksaŭ Patriot. Dziaržaŭny departamient ZŠA ŭchvaliŭ pastaŭku Pientahonam u Polšču supraćrakietnych sistem u $ 10,5 młn 18 listapada. U vypadku finalnaha zaćviardžeńnia ździełki Polšča zmoža taksama pravodzić sumiesnyja vučeńni ź inšymi členami Paŭnočnaatłantyčnaha aljansu.
U žniŭni 2017 hoda ŭ polskim MZS tłumačyli, što imknieńnie Varšavy raźmiaścić batarei kompleksaŭ SPA Patriot źviazana z płanami Rasii pa pieraŭzbrajeńni rakietnaj bryhady ŭ Kalininhradskaj vobłaści.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina22
Kamientary