Upraŭleńnie rehistracyi i klasyfikacyi kina- i videapradukcyi pry Ministerstvie kultury admoviła ŭ rehistracyi telespektaklu, pastaŭlenamu pavodle trahikamedyi Janki Kupały.
Upraŭleńnie rehistracyi i kłasifikacyi kina- i videapradukcyi pry Ministerstvie kultury admoviła ŭ rehistracyi teleśpiektaklu «Tutejšyja»,źniataha na zamovu telekanału «Biełsat».
Dakumienty na rehistracyju filmu byli padadzienyja jašče ŭ lipieni. Niekalki miesiacaŭ čynoŭniki adciahvali rašeńnie, spasyłajučysia na farmalnyja niedakładnaści. Pry kancy vieraśnia pryjšoŭ adkaz. Adnoju z aficyjnych pryčynaŭ admovy stała nizkaja jakaść huku.
«Kromie toho, v dannom filmie iskažajetsia smysł i chudožiestviennaja napravlennosť proiźviedienija narodnoho poeta Biełarusi Ja. Kupały, čto sozdajot u zritiela nieviernoje priedstavlenije o tvorčiestvie kłaśsika biełorusskoj litieratury, zadievajet jeho dostoinstvo. V finalnoj časti filma imiejet miesto projavlenije šovinizma i nacionalnoj isklučitielnosti, čto niedopustimo», — piša V. A. Kurłovič, načalnik Upraŭleńnia rehistracyi i kłasifikacyi kinavideapradukcyi Departamientu kiniematahrafii.
Na dumku telekanału «Biełsat», pryčyny nierehistracyi značna hłybiejšyja. Režysiory Valer Mazynski i Daryjuš Šada‑Bažaškoŭski nahadvajuć, što da apošniaha času vialikaju papularnaściu karystaŭsia śpiektakl «Tutejšyja» ŭ pastanoŭcy Pinihina, ale i jaho źniali z repiertuaru Kupałaŭskaha teatru. A sama pjesa była pad zabaronaj uvieś saviecki čas.
Teleśpiektakl «Tutejšyja», źniaty Mazynskim i Bažaškoŭskim, amal dakładna idzie za aryhinalnym tekstam Kupałavaj trahikamiedyi. Śćviardžać, što teleśpiektakl nosić šavinistyčny charaktar, hetak ža biespadstaŭna, jak i vinavacić u šaviniźmie samoha Kupału.
Dziaržaŭnaja rehistracyja dazvalaje raspaŭsiudžvać kinapradukcyju, zarhanizoŭvać pakazy, jak biaspłatna, tak na kamiercyjnaj asnovie, a hałoŭnaje – lehalna.
Heta nia pieršy niezaležny film na biełaruskaj movie, jaki zabaraniajecca da pakazu ŭ Biełarusi. Raniej toj ža los napatkaŭ «Akupacyju» Andreja Kudzinienki, što nie zaškodziła filmu ŭziać prestyžnyja mižnarodnyja ŭznaharody. Toj samy pośpiech za miažoj mieli filmy dakumentalista Chaščavackaha, pakazanyja ŭ dziasiatkach krainach śvietu. Zabaranialisia i stužki pra Vasila Bykava.
Red. Biełaruś zastajecca apošniaj krainaj Eŭropy, dzie zachoŭvajecca palityčnaja cenzura ŭ sfery kultury.
Ciapier čytajuć
Poŭny śpis palitviaźniaŭ, vyzvalenych 13 śniežnia6
Kamientary