Pramysłovy indeks Dow Jones u chodzie tarhoŭ 5 lutaha apuściŭsia amal na 1200 punktaŭ, prademanstravaŭšy rekordnaje padzieńnie ŭ punktach za dzień za ŭsiu historyju. Dadzienyja Ńju-jorkskaj fondavaj biržy śviedčać, što da kanca handlovaj siesii Dow Jones skłaŭ 24345.75. U pracentnych adnosinach indeks źniziŭsia na 4,6%, što taksama stała rekordnym padzieńniem za dzień sa žniŭnia 2011 hoda.
Indeks S & P 500 taksama straciŭ bolš za 4%, skončyŭšy handlovuju siesiju na ŭzroŭni 2648.94. Indeks straciŭ za dzień krychu bolš za 113 punktaŭ, vynikaje z dadzienych biržy. Jak adznačaje CNBC, dla S&P 500 paniadziełak staŭ horšym dniom za apošnija šeść hadoŭ.
Bloomberg adznačaje, što padzieńnie indeksaŭ supała z vystupam prezidenta ZŠA Donalda Trampa na zavodzie kampanii Sheffer Corp. u štacie Ahajo. U svajoj pramovie amierykanski prezident raskazvaŭ pra pośpiechi amierykanskaj ekanomiki. U pryvatnaści, jon kazaŭ, što padatkovaja reforma respublikancaŭ «vyklikała» chvalu spryjalnych ekanamičnych navin. Situacyju na finansavym rynku, jak adznačaje ahienctva, Tramp u svajoj zajavie nie zhadaŭ.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary