U Vilni na vychodnych prajšli zdymki novaha tok-šou Biełsata «Tierritorija pravdy». Jaho viadzie rasijska- ŭkrainski teležurnalist Jaŭhienij Kisialoŭ i Śviatłana Kalinkina, piša Radyjo Svaboda.
«Terytoryja praŭdy — kłasičnaje tok-šou, u jakim biaruć udzieł piaciora ekśpiertaŭ. Mova pieradačy — rasiejskaja.
«Tierritorija pravdy» stanie treciaj rasiejskamoŭnaj pieradačaj na Biełsacie paśla infarmacyjnaj prahramy «Vot tak» i kulinarnaha šou «Ja nie budu eto jesť». Rasiejskamoŭnaść novaha teleprajektu redaktar prahramy Siarhiej Pielasa nazvaŭ vyklučeńniem z praviła i padkreśliŭ, što asnoŭnaj movaj Biełsata zastajecca biełaruskaja.
«My ŭvachodzim na terytoryju rasiejskich i ŭkrainskich ŚMI, na terytoryju postsavieckaj postpraŭdy. I prapanoŭvajem alternatyŭny pohlad na palityku Rasii, niezaležny ad uładaŭ usich šaści krain, ekśpierty ź jakich udzielničajuć u našaj pieradačy», — skazaŭ Pielasa.
U pieršych pieradačach voźmuć udzieł rasiejski piśmieńnik Viktar Jerafiejeŭ, ahladalnik «Novoj haziety» Pavieł Fielhienhaŭer, rasijski apazicyjanier Uładzimir Miłoŭ, publicyst Juryj Ramanienka z Ukrainy. Ad Biełarusi na pieršy zapis pryjechali Alaksandr Kłaskoŭski i Pavał Usaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary