Fiederalny administracyjny sud u Lejpcyhu dazvoliŭ uładam u niamieckich haradach, fiederalnych ziemlach i supolnaściach uvodzić zabaronu na ŭjezd dyzielnych aŭtamabilaŭ, paviedamlaje Deutsche Welle.
Rašeńnie suda nie ŭstanaŭlivaje pramoj zabarony na ŭjezd dyzielnych aŭto, ale dazvalaje haradam uvodzić jaho.
Spravu razhladali ŭ suviazi z daŭnim imknieńniem niamieckich ekołahaŭ damahčysia adpaviednych abmiežavańniaŭ, u pryvatnaści, u Štutharcie i Dziusieldorfie, dzie ŭzrovień zabrudžvańnia pavietra pieravyšaje dapuščalnyja normy.
Ekałahičnaja inicyjatyva pa achovie navakolnaha asiarodździa Hiermanii (DUH) padała na abodva harady ŭ sud, zajaviŭšy, što jany niedastatkova zrabili dla baraćby sa škodnymi vykidami.
Sud u Štutharcie vyrašyŭ, što zabarona na ŭjezd dyzielnych aŭto źjaŭlajecca «najbolš efiektyŭnym» srodkam dla palapšeńnia jakaści pavietra i achovy zdaroŭja ŭ haradskich rajonach.
Jak piša Reuters, suprać uviadzieńnia zabarony na ruch dyzielnych aŭto vystupaŭ urad Mierkiel, jaki krytykujuć za ciesnyja suviazi z aŭtamabilnaj pramysłovaściu. Va ŭradzie aścierahalisia, što zabarona razzłuje miljony kiroŭcaŭ i pryviadzie da parušeńniaŭ ruchu transpartu ŭ haradach.
Čynoŭniki taksama zajaŭlajuć, što zabarona moža paralizavać pracu aŭtobusnych kampanij, słužby zboru śmiećcia i handlaroŭ, jakija ŭ asnoŭnym vykarystoŭvajuć dyzielnyja transpartnyja srodki.
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary