Za apošni termin Pucina realnyja dachody nasielnictva ŭ Rasii ŭpali na 6%, VUP i pradukcyjnaść pracy nie vyraśli
Rasijski palityk Uładzimir Ryžkoŭ u efiry radyjostancyi «Echo Moskvy» źviarnuŭ uvahu na abiacańni Uładzimira Pucina ŭ 2012 hodzie i paraŭnaŭ ich z realnym stanoviščam u rasijskaj ekanomicy.
Tak, Pucin byŭ abrany 6 hadoŭ tamu, i jon što ŭ 2018 hodzie, heta značyć ciapier inviestycyi składuć 27% VUP. Ciapier — 19%, heta značyć amal na 10 adsotkaŭ mienš, čym płanavałasia.
Pradukcyjnaść pracy pavinna była padvysicca za hetyja 6 hadoŭ na 50%, u realnaści ž jana pavysiłasia na 0,04%.
Uładzimir Pucin u majskich ŭkazach 2012 hoda abiacaŭ, što realnyja dachody nasielnictva za 6 hadoŭ vyrastuć na 40—50%. A ŭ realnaści — minus 6% za 6 hadoŭ.
Było abiacana, što Rasija stanie 5 pa pamiery ekanomikaj śvietu. U realnaści Rasija dzielić 11—12 miescy.
«Siońnia dola Rasii ŭ suśvietnaj ekanomicy mienšaja, čym, kali Uładzimir Pucin staŭ prezidentam u 2000 hodzie», — kaža Ryžkoŭ.
Sapraŭdy, niahledziačy na astranamičnyja ceny na naftu i haz, asnoŭnuju krynicu dachodaŭ Rasii, rasijskaja ekanomika zusim nie vyrasła. Ekanamičny vynik kiravańnia Pucina — pravalny. Za 6 hadoŭ VUP Rasii nie źmianiŭsia. Dla paraŭnańnia: za toj ža pieryjad VUP Hiermanii vyras prykładna na 12%, a Kitaja — amal na 60%.
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary