Radaść dla biełaruskamoŭnych dzietak — pierakłali dysnejeŭskuju «Hałavałomku»
Šykoŭnuju multyplikacyjnuju stužku amierykanskaj studyi Pixar, jakaja źjaviłasia na ekranach u 2015-m, narešcie možna ŭbačyć u biełaruskaj ahučcy. Jana atrymała nazvu «Verchał u hałavie».
Pierakłała multfilm studyja «Gavarun_by», a dapamahli joj u hetym baćki supołki «Dzietki-kvietki».
Dva hady tamu stužka atrymała «Oskar» jak najlepšy animacyjny film. Akramia taho, u jaje dziesiać uznaharod «Eni», a taksama prestyžnaj premii «Załaty hłobus».
Heta historyja pra 11-hadovuju dziaŭčynku Rajli i piać emocyj, jakija žyvuć u jaje śviadomaści. Heta Radaść, Sum, Strach, Hnieŭ i Hidlivaść. Toje, jak užyvajucca emocyi pamiž saboj, naŭprost upłyvaje na pavodziny i nastroj Rajli. Sapraŭdnym vyklikam dla jaje stanovicca pierajezd u vialiki miehapolis, dzie joj treba adšukać novych siabroŭ i palubić novy dom. Emocyjam taksama niaprosta, kožnaja sprabuje zavałodać śviadomaściu dziaŭčynki. Ale dabra nie budzie, pakul usie nie navučacca dziejničać razam.
Multfilm možna znajści na kanale «Gavarun_by».
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»9
Kamientary