Na dazvolenaje śviatkavańnie 100-hadovaha jubileju BNR źbirali hrošy praz kraŭdfandynh. Haradskija ŭłady zabiaśpiečyli achovu i miedyčnaje absłuhoŭvańnie. Arhanizatary padzialilisia infarmacyjaj, jakaja suma była sabranaja, jak jana patračanaja i na što pojduć niavykarystanyja srodki.
Ahulnaja suma, jakuju atrymałasia sabrać: 7306 rubloŭ
Vydatki raźmierkavalisia nastupnym čynam:
· scena — 2400 r. (aparatura, techničnaje absłuhoŭvańnie i abstalavańnie, dastaŭka)
· vizualnaje azdableńnie śviata — 1215 r. (baniery, palihrafija, dyzajn, fota, afišy, ściahi)
· čyścinia — 180 r. (uborka terytoryi, arenda i absłuhoŭvańnie bijaprybiralniaŭ)
· kancertnaja častka — 956 r. (kampiensacyja transpartnych vydatkaŭ, padziaki muzykam, charčavańnie)
· arenda haspadarčaha abstalavańnia — 1030 r. (prakat hienierataraŭ, ciepłapušak, stałoŭ, kresłaŭ i h. d. i ich dastaŭka; paliva, haz; harbata dla vałancioraŭ)
Usiaho — 5781 rubiel. Rešta — 1525 r.
Niavykarystanyja hrošy arhanizatary nakirujuć na ŭstaloŭku pamiatnaj šyldy.
— Harodnia — horad, jaki pryniaŭ urad BNR paśla vymušanaha adjezdu ź Mienska. Ceły šerah budynkaŭ na našych vulicach pamiataje, jak sto hadoŭ tamu mienavita tut, u druhoj stalicy BNR, rabiłasia historyja Biełarusi. My ličym važnym, kab u našym horadzie była ŭstalavanaja miemaryjalnaja šylda ŭ honar Biełaruskaj Narodnaj Respubliki. Tamu vyrašyli, što rešta sabranych srodkaŭ pojdzie mienavita na heta, — kažuć arhanizatary «Śviata Niezaležnaści».
Haradzienski arhkamitet ščyra dziakuje ŭsim, chto spryčyniŭsia da Śviata i dapamahaŭ na kožnym z etapaŭ padrychtoŭki: ludziam, jakija padtrymlivali i dapamahali źbirać hrošy, harvykankamu, jaki zabiaśpiečyŭ miedyčnaje absłuhoŭvańnie i hramadski paradak, biźniesoŭcam, jakija rabili źnižki i brali ŭdzieł u imprezie, muzykam i vystupoŭcam, vałancioram i ŭsim, chto abraŭ Kałožski park dla śviatkavańnia hetaj važnaj daty.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram11
Kamientary