U Facebook pryznali, što jany skanujuć i praviarajuć pryvatnyja paviedamleńni karystalnikaŭ
Facebook skanuje asabistyja paviedamleńni karystalnikaŭ Messenger dla pravierki ich na pradmiet abraźlivaha kantentu, vykarystoŭvajučy tyja ž instrumienty, što i ŭ publičnych dopisach. Pra heta pradstaŭnik Facebook Messenger paviedamiła Bloomberg.
«Naprykład, u miesiendžary, kali vy adpraŭlajecie fatahrafiju, našy aŭtamatyčnyja sistemy skanujuć jaje, vykarystoŭvajučy sistemu paraŭnańnia fatahrafij, kab vyznačyć, ci prysutničajuć tam vyjavy ekspłuatacyi dziaciej», — cytuje jaje słovy ahienctva. Taksama Facebook Messenger skanuje spasyłki, jakija pierasyłajuć karystalniki dla pravierki ich na virusy.
«Facebook raspracavaŭ hetyja aŭtamatyzavanyja pryłady dla taho, kab my mahli chutka spyniać abraźlivyja pavodziny na płatformie», — dadała pradstaŭnica kampanii.
Jak adznačaje Bloomberg, Facebook skanuje taksama i teksty paviedamleńniaŭ. Uvieś kantent pavinien adpaviadać «standartam supolnaści», skazała pradstaŭnica kampanii. U Facebook zapeŭnili, što nie vykarystoŭvajuć infarmacyju ź pierapisak dla rekłamy.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary