Alaksandr Łukašenka raskazaŭ, što mienavita jon źjaŭlaŭsia inicyjataram dekreta № 1 ab sadziejničańni zaniataści nasielnictva, jaki staŭ zamienaj tak zvanamu «zboru z darmajedaŭ». Ab hetym kiraŭnik dziaržavy raskazaŭ padčas sustrečy z kiraŭnikami i kalektyvami najbujniejšych dziaržaŭnych ŚMI, piša BiełTA.
Dekret №1 Łukašenka padpisaŭ u kancy studzienia. Zhodna ź im, pracazdolnyja, ale niepracujučyja hramadzianie Biełarusi z pačatku 2019 hoda buduć vyzvalenyja ad zboru na finansavańnie dziaržvydatkaŭ. Adnak jany pavinny buduć apłačvać usie subsidavanyja dziaržavaj pasłuhi pa taryfach, «jakija zabiaśpiečvajuć poŭnaje pakryćcio ekanamična abhruntavanych zatrat na ich akazańnie». Pieralik takich pasłuh paśla stanie vyznačać Saviet ministraŭ.
Meta hetaha dekreta, jak patłumačyŭ u chodzie sustrečy z pradstaŭnikami dziaržaŭnych ŚMI sam Łukašenka, u tym, kab ludzi pracavali i apłačvali pradastaŭlenyja dziaržavaj pasłuhi, u tym liku pasłuhi pa achovie zdaroŭja i ŽKH.
«Voś što hałoŭnaje — prymusić ich pracavać. I heta była maja ideja, mnie jaje nichto nie padkazvaŭ», — zajaviŭ kiraŭnik dziaržavy, havoračy pra dekret № 1.
U ciapierašni čas, jak rastłumačyŭ Łukašenka, u Biełarusi kala paŭmiljona čałaviek pracazdolnaha ŭzrostu nie pracuje. U ich liku, pa dadzienych biełaruskaha prezidenta, — tyja, «u kaho prablemy z zakonam».
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina12
Kamientary