Filijał Nacyjanalnaha muzeju ŭ Halšanach praź miesiac budzie začynieny. Praz avaryjny stan klaštaru, dzie mieścicca ekspazycyja.
Filijał Nacyjanalnaha muzeju ŭ Halšanach praź miesiac budzie začynieny. Praz avaryjny stan klaštaru, dzie mieścicca ekspazycyja.
Kaža Časłava Akulevič, zahadčyca muzeju: «Zahad užo jość. Budynak budzie zakanservavany. Zakałociać vokny, a mo i zamurujuć. Budynak klaštaru znachodzicca ŭ avaryjnym stanie i isnuje praŭdzivaja niebiaśpieka, što jon abryniecca. A srodkaŭ raparavać — havorka idzie pra miljony dalaraŭ — niama. Muzejny persanał pojdzie na biržu pracy».
Franciškanski klaštar, dzie mieścicca muzej, małoj drabnicaj nie raŭnaletka znakamitamu Halšanskamu zamku. Klaštar zasnavany ŭ 1618 hodzie, a zamak — u 1610. Manastyr najpierš viadomy svaim pryvidam. Pavodle lehiendaŭ budaŭniki klaštara, stomlenyja pastajannymi abvałami tolki što pabudavanych ścienaŭ, dziela spraŭnaha zaviaršeńnia pracy prynieśli achviaru — zamuravali ŭ adnu sa ścienaŭ žančynu. Stul ludzi šmat razoŭ bačyli zdań u abliččy kabiety, što chodzić pa kalidorach klaštaru, a taksama čuli jenki dy dziciačyja kryki, jakija dalatajuć jak by niadkul. Uskosnym dokazam hetaj lehiendy słužyć toj fakt, što kali ŭžo ŭ našyja časy restaŭratary pry razbory lochaŭ vypadkova paburyli kavałak ściany, dyk u nišy byŭ znojdzieny škilet.
Nacyjanalny muzej začyniaje svaje filijały — zastalisia tolki samyja znakamityja: Mirski zamak, siadziba Vańkovičaŭ i h.d. Miascovyja ŭłady, u svaju čarhu, moža, i zacikaŭlenyja ŭ adnaŭleńnie muzeja, ale nia majuć takich kalasalnych srodkaŭ na restaŭracyju.
«Škada — biez pavietru i ruchu naviednikaŭ klaštar rassyplecca jašče chutčej, — dadaje spadarynia Časłava, — ale na maju dumku vyjście jość — treba ŭklučyć restaŭracyju klaštara ŭ investycyjny plan chacia b na 2010 hod, abo ŭźniać hetaje pytańnie pierad parlamenckim schodam».
Kažuć, što klaštarnyja mury trymajucca dziakujučy złości zamuravanaj žančyny. Ci ŭratuje adna taja złość?
* * *
Śviežyja čytackija repartažy z Halšanaŭ čytajcie taksama na błohach Jahora Buraha i Daryjusa, z šykoŭnymi fatahrafijami .
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»18
Kamientary