Za ataku drona na bazu AMAPa dvuch vajskoŭcaŭ zavočna asudzili da vialikich terminaŭ i štrafaŭ
U Minskim haradskim sudzie byŭ vyniesieny zavočny prysud dobraachvotniku va Ukrainie Paŭłu Kułažanku i byłomu vajskoŭcu Vitalu Paciechinu. Ich abvinavacili pavodle šaści artykułaŭ KK, u tym liku «akcie teraryzmu», za ataku dronam na bazu AMAPa ŭ noč na 25 vieraśnia 2021 hoda. Sudździa Michaił Makarevič pryznačyŭ im 24 i 23 hady kałonii va ŭmovach uzmocnienaha režymu adpaviedna, a taksama štraf 1000 bazavych vieličyniaŭ (40 000 rubloŭ) kožnamu. Aproč hetaha Paciechina pazbavili zvańnia «kapitan u adstaŭcy», piša «Viasna».
Pavieł Kułažanka — były bajec AMAPa, jaki ciapier vajuje jak dobraachvotnik va Ukrainie. Paciechin — były vajskoviec. Mienavita jaho nazvali vykanaŭcam ataki na bazu AMAPa. Abodva majuć dačynieńnie da inicyjatyvy «Supraciŭ», jakuju pryznali terarystyčnaj.
Jak zajaŭlaje śledstva, Paciechin «pry sadziejničańni niedaśviedčanych kantrabandystaŭ» atrymaŭ z Ukrainy dron vialikaj hruzapadymalnaści i niekalki miesiacaŭ rychtavaŭsia da napadu.
«U načny čas na terytoryi svajho ŭčastka ŭ Minskim rajonie abvinavačany ekśpierymientavaŭ z zapalnaj sumieśsiu i treniravaŭsia kiravać bieśpiłotnikam. Kab pavysić šancy na pośpiech, jon madernizavaŭ latalny aparat, ustalavaŭšy prystasavańnie skidańnia hruzu i videakamieru. Da dnia vykanańnia teraktu Paciechin usio staranna spłanavaŭ i ŭ noč z 24 na 25 vieraśnia realizavaŭ zadumanaje. /…/ Z dapamohaj bieśpiłotnika abvinavačany skinuŭ dźvie piacilitrovyja butelki z zapalnaj sumieśsiu na bazu AMAP», — havaryłasia ŭ abvinavačvańni SK.
Paśla hetaha jon schavaŭ dron i pakinuŭ Biełaruś. Apieratyŭniki, adnak, znajšli paźniej bieśpiłotnik.
Kułažanku i Paciechinu vystavili abvinavačańni pa vaśmi artykułach Kryminalnaha kodeksa: «akt teraryzmu, ździejśnieny arhanizavanaj hrupaj» (č. 3 art. 289 KK), «stvareńnie i kiravańnie terarystyčnaj arhanizacyjaj» (č. 1 i č. 2 art. 290-4 KK), «zmova z metaj zachopu ŭłady» (č. 1 art. 357 KK), «niezakonnyja dziejańni ŭ adnosinach da pradmietaŭ, paražalnaje dziejańnie jakich zasnavana na vykarystańni haručych rečyvaŭ» (č. 2 art. 295-3 KK), «sadziejničańnie ekstremisckaj dziejnaści» (č. 1 i č. 2 art. 361-4 KK), «arhanizacyja dziejnaści terarystyčnaj arhanizacyi i ŭdzieł u dziejnaści takoj arhanizacyi» (č. 1 i č. 2 art. 290-5 KK).
Na majomaść Kułažanki i Paciechina nakładzieny aryšt ahulnym koštam kala 240 tysiač rubloŭ.
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska pracaŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Ciapier čytajuć
Biełaruska pracaŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary