Bondaravu aburyli słova Rastvo i zorki NATA na navahodniaj jełcy ŭ Minsku

Spačatku Taćciana Sidarovič apublikavała ŭ svaim telehram-kanale «Biełoruska «topit» poŭny zachapleńnia dopis pra cudoŭny kancert, dzie «ruskaje padkreślena», i jarka ŭpryhožanuju jełku.

Ale vysokija standarty Volhi Bondaravaj, jakaja naviedała jełku pa hetaj paradzie, dziejstva zadavolić nie zmahło. 

Jana nie zmahła prajści mima vialikaha nadpisu nad scenaj «Z Novym Hodam i Rastvom Chrystovym». Bondarava aburyłasia «pačvarnaj navamovaj», a mienavita słovam Rastvo. U svaim ruska-biełaruskim słoŭniku studentka fiłfaka nie zmahła adšukać takoha pierakładu, tolki pierakłady «kalady», «kolady». «Heta ž uzhodniena z harvykankamam i minkultam?»

Pavialičyć

Kalady — heta nazva narodnaha zimovaha śviata dachryścijanskaha pachodžańnia, jakaja paśla pryniaćcia chryścijanstva była pieraniesiena i na śviata Božaha Naradžeńnia. U śviata šmat varyjantaŭ napisańnia, u tym liku jaho nazyvajuć i Rastvom.

Pavodle słoŭnikaŭ, da jakich čamuści nie maje dostupu hrodzienskaja danosčyca, u starabiełaruskaj movie słovy rostvo, roztvo fiksujucca jašče ŭ 1387 hodzie. 

Va ŭschodnich słavian u XI—XII stst. śviata mieła nazvu rożstvo, paźniej — rožiestvo. Słova ŭtvorana ad radzić. U narodnaj movie jano zafiksavana ŭ roznych formach razdvo, ražastvo, ražstvo, raždvo i h.d. Ale pakolki siońnia jano ŭsprymajecca mnohimi jak rusizm ad Roždiestvo, to časta sastupaje bolš vyražana biełaruskamu varyjantu — Naradžeńnie Chrystova.

Pavialičyć

Pavialičyć

Taksama Bondaravu nie zadavoliła forma zorak na navahodniaj jełcy. U vaśmikancovych zorkach jana pabačyła zorki varožaha błoka NATA.

U jakaści dokazaŭ — klip-art ź internetu, nijak nie źviazany z NATA, i dekaratyŭnaja kampazicyja pierad štab-kvateraj aljansu ŭ Brusieli. Ale kali klip-art padobny da zorak na jełcy, to i skulpturnaja kampazicyja, i zorka na ściahu NATA zusim inšaja — čatyrochkancovaja ruža viatroŭ, biez varyjacyj. 

A ŭ vyhladzie vaśmikancovaj zorki tradycyjna malujuć Viflijemskuju zorku, jakaja zhodna z chryścijanskaj tradycyjaj pryviała troch mudracoŭ pakłanicca narodžanamu Chrystu.

Zrešty, pra chryścijanstva i tradycyjnyja kaštoŭnaści Bondarava, vidavočna, viedaje tolki z kamunistyčnych brašur, a tamu nie moža viedać pra simvoliku vaśmikancovaj zorki.

Pavialičyć

Volha Bondarava pierakanana na «99,999%», što ŭsio heta nie vynik pamyłki ci niepiśmiennaści čynoŭnikaŭ, a praca škodnikaŭ, jakija vymušany niejak adpracoŭvać zamiežnyja hranty. 

• 3
• 2
• 28
• 29
• 1
• 0
• 9
• 0