Źniali z pasady homielskaha top-čynoŭnika. Za što i dzie jon nichto nie viedaje
Alaksandr Sitnica ŭznačalvaŭ Homielski rajvykankam z 2016 hoda. Ciapier jaho abaviazki vykonvaje namieśnik, dzie sam Sitnica — nieviadoma.
U rajvykankamie situacyju nie kamientujuć. Viadoma, što ciapier abaviazki staršyni vykonvaje Alaksiej Žarnasiekaŭ, raniej jon zajmaŭ pasadu namieśnika i adkazvaŭ za sielskuju haspadarku.
Alaksiej Mocharaŭ, namieśnik Sitnicy, adkazaŭ tolki, što nie budzie davać kamientar, paśla kinuŭ słuchaŭku.
Miascovy partał gomel.today paviedamlaje, što ŭ pačatku minułaha tydnia ŭ dačynieńni da staršyni Homielskaha rajvykankama siłavyja struktury pačali pravierku na pradmiet mahčymaj karupcyjnaj dziejnaści.
«Nijakich kryminalnych spraŭ pakul zaviedziena nie było — havorka idzie tolki ab praviercy. Adnak praktyčna adrazu paśla jaje pačatku Alaksandr Sitnica i pierastaŭ źjaŭlacca na pracy i vychodzić na suviaź», — pišuć žurnalisty.
U Kamitecie dziaržkantrolu paviedamili, što Departamient finansavych raśledavańniaŭ spravu na Sitnicu nie zavodziŭ. Pravierku jany taksama nie pravodzili.
Śledčy kamitet taksama nie maje infarmacyi pra Sitnicu.
U KDB pakul nie prakamientavali situacyju.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii5
Kamientary