Аляксандр Сітніца ўзначальваў Гомельскі райвыканкам з 2016 года. Цяпер яго абавязкі выконвае намеснік, дзе сам Сітніца — невядома.
У райвыканкаме сітуацыю не каментуюць. Вядома, што цяпер абавязкі старшыні выконвае Аляксей Жарнасекаў, раней ён займаў пасаду намесніка і адказваў за сельскую гаспадарку.
Аляксей Мохараў, намеснік Сітніцы, адказаў толькі, што не будзе даваць каментар, пасля кінуў слухаўку.
Мясцовы партал gomel.today паведамляе, што ў пачатку мінулага тыдня ў дачыненні да старшыні Гомельскага райвыканкама сілавыя структуры пачалі праверку на прадмет магчымай карупцыйнай дзейнасці.
«Ніякіх крымінальных спраў пакуль заведзена не было — гаворка ідзе толькі аб праверцы. Аднак практычна адразу пасля яе пачатку Аляксандр Сітніца і перастаў з'яўляцца на працы і выходзіць на сувязь», — пішуць журналісты.
У Камітэце дзяржкантролю паведамілі, што Дэпартамент фінансавых раследаванняў справу на Сітніцу не заводзіў. Праверку яны таксама не праводзілі.
Следчы камітэт таксама не мае інфармацыі пра Сітніцу.
У КДБ пакуль не пракаментавалі сітуацыю.
Цяпер чытаюць
Сталі вядомыя падрабязнасці пра трагедыю ў Полацкім манастыры13
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары