Lidary biełaruskaha pank-roku, hurt «Daj Darohu!» adznačać svajo dvaccacihodździe 8 traŭnia 2018 hoda ŭ samym vialikim kłubie Minska — Prime Hall (pr. Pieramožcaŭ, 65).
«Nie ŭsie ludzi dažyvajuć da 20 hadoŭ, a my ŭsio jašče na płyvu i hrabiem ŭ pravilnym kirunku!» — kaža lidar hurta Juryj Stylski.
Kancert adbudziecca 8 traŭnia. Mienavita ŭ hety dzień apošnija hady «Daj Darohu!» radavali minčan svaim viasnovym šou. Tradycyjna jano źbirała anšłahi ŭ kłubie Re: Public, jaki ŭžo staŭ rodnym dla hurtu.
«Nam 20, i nas stała nastolki šmat, što pryśpieŭ čas pašyrać dalahlady i sprabavać dla siabie niešta novaje. Treba pravieryć, nakolki my sapraŭdy mocnyja», — tłumačyć Stylski źmienu placoŭki.
Hurt «Daj Darohu!» byŭ zasnavany ŭ Breście ŭ traŭni 1998 hoda. Na jaho rachunku siem aryhinalnych studyjnych albomaŭ, dva akustyčnyja i adzin zbornik chitoŭ. Za 20 hadoŭ u hurcie mianialisia ŭdzielniki, ale prychilnaść muzykaŭ ideałam sapraŭdnaha pank-roku i ščyryja teksty zaŭsiody zastavalisia i zastajucca niaźmiennymi.
Apošnija paŭtara hoda «Daj Darohu!» pryśviacili maštabnamu turu «SacPakiet», kudy ŭvajšli samyja vostrasacyjalnyja chity z usich albomaŭ. Z hetaj prahramaj hurt abjechaŭ Biełaruś, Ukrainu i Rasiju, taksama zazirnuŭ ŭ Polšču i Čechiju. A pa vynikach 2016 hoda ŭvajšoŭ u TOP-5 samych zapatrabavanych fiestyvalnych hurtoŭ va Ukrainie! U rodnaj Biełarusi «Daj Darohu!» pa-raniejšamu zastajucca siarod samych lubimych haściej luboha festu: ad strakataha ColorFest da 25-tysiačnaha «Rok za Babroŭ».
«Užo kipić praca nad całkam novym šou, pryśviečanym jubilejnamu kancertu ŭ Prime Hall, — kažuć muzyki. — Buduć usie tyja ž uharnyja, pravieranyja časam bajeviki, elemienty prahramy «SacPakiet», a taksama zusim novyja pieśni, jakija rychtujucca dla budučaha alboma».
Muzyki rychtujucca ździvić usich i niezvyčajnym hukam. Bo ŭ kłubie Prime Hall ŭstanoŭlenaja adna ź lepšych akustyčnych sistem ŭ krainie. «120 decybieł biełaruskaha panku na 80 kiłavatach krutoha amierykanskaha huku!» — žartujuć muzyki «Daj Darohu!», da jakich na minskim kancercie dla ŭzmacnieńnia dałučycca jašče adzin hitaryst.
Takim čynam, 8 traŭnia 2018 hoda ŭ minskim Prime Hall «Daj Darohu!» buduć hrymieć vybuchnym dvaccacihodździem razam z zaprošanymi sakretnymi haściami! Sapraŭdnaje šou, jakoje prosta nielha prapuścić.
Kvitki možna nabyć anłajn na kvitki.by abo ticketpro.by.
Kvitki bieź internet-nacenki:
- Kasy infacentraŭ HC «Zamak» (pr. Pieramožcaŭ, 65. Kasy infacentra na 1-m i 4-m pavierchach). 9.00 — 23.00.
- Pierachod st. mietro Jakuba Kołasa (kasa Fiłarmonii). 09:00 — 19:00.
- Krama «Stuff» (pr-t Niezaležnaści 58, HC «Maskoŭska-Vienski» 3 pavierch, pav. 363). 11:30 — 20:00.
- HC Kupałaŭski (19 paviljon, z 11:00 da 19:00).
- HC Ryha (2 pavierch 18 paviljon, z 10:00 da 20:00).
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy14
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec66
Kamientary