Katalickija i pravasłaŭnyja sieminarysty atrymali adterminoŭku ad słužby ŭ vojsku
U hety viasnovy pryzyŭ katalickich i pravasłaŭnych śviataroŭ i sieminarystaŭ u vojska nie zabiaruć. Pavodle infarmacyi pres-słužby Kanfierencyi Katalickich Biskupaŭ u Biełarusi, aficyjnaha dakumienta ab adterminoŭcy pakul niama: «U vajenkamatach pra heta papiaredzili na słovach», piša Tut.by.
— Ja źviazaŭsia z ajcom Andrejem z Hrodna, — raspaviadaje ksiondz Juryj Sańko, pres-sakratar Kanfierencyi Katalickich Biskupaŭ u Biełarusi. — Ranicaj jon padyšoŭ u vajenkamat, ale infarmacyi ab adterminoŭcy jašče nie było. Jaho paprasili pryjści praz hadzinu, a paśla hetaha paviedamili, što jon moža być volny.
Ajcu Andreju 26, i ŭ vojska jaho ŭžo nie pryzavuć. Sieminarysty ž atrymali adterminoŭku da lutaha.
— Našy studenty duchoŭnych škoł roznych ranhaŭ siońnia taksama atrymali adterminoŭki ad vojska, — paviedamiŭ protaijerej Sierhij Lepin, staršynia sinadalnaha infarmacyjnaha adździeła Biełaruskaj Pravasłaŭnaj Carkvy (Biełaruskaha Ekzarchata Maskoŭskaha Patryjarchata).
Na pytańnie, čamu śviatary i sieminarysty ŭ hetym hodzie atrymali pozvy, u Juryja Sańko adkazu niama.
Kali Kanapackaja stała całkam padkantrolnaja Łukašenku?16
Kamientary