Laŭreatam premii imia Alesia Adamoviča sioleta staŭ dyrektar Biełaruskaj słužby Radyjo Svaboda Alaksandar Łukašuk, paviedamlaje sajt radyjo.
Jaho ŭznaharodzili za stvareńnie knižnaj seryi «Biblijateka Svabody», a taksama za vydańnie knih «Pryhody ARA ŭ Biełarusi» i «Śled matylka».
Imia laŭreata abjaviła dačka Alesia Adamoviča Natalla. Jana pryniesła radyjoprymač, pa jakim baćka słuchaŭ Radyjo Svaboda i «Hołas Ameryki».
Alaksandar Łukašuk apavioŭ, jak niekali Adamovič padpisaŭ jamu svaju knihu vielmi lakanična: «Alesiu ad Alesia» — i pieradaŭ kanvert z hrašovaj častkaj premii Natalli Adamovič taksama sa słovami «Alesiu ad Alesia».
Inicyjatar kampanii pa zbory hrošaj na ŭšanavańnie pamiaci Alesia Adamoviča Andruś Archipienka raskazaŭ pra konkurs eskizaŭ na «Prypynak Adamoviča» i zbor srodkaŭ na biust Alesia Adamoviča. Patrebna 4 tysiačy dalaraŭ — na pracu skulptara, adliŭku, pastament. Sabrana 16%. Natalla Adamovič pieradała hrašovuju častku premii, pieradadzienuju Łukašukom, na stvareńnie biusta.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary