Papularnaje rasijskaje internet-vydańnie Lenta.ru apublikavała materyjał «Biełaruski patok», u jakim śćviardžaje, što praź Biełaruś u Rasiju arhanizavana kantrabanda jeŭrapiejskich tavaraŭ. Admietna, što spasyłka na hety artykuł u adrasnym radku braŭziera źmiaščaje słovy «bulbash_empire».
Rasijskaje vydańnie śćviardžaje, što biełaruskaja kantrabanda rynuła ŭ Rasiju adrazu paśla padzieńnia SSSR. U pačatku 90-ych, maŭlaŭ, narmalnaj hranicy jašče nie było, a ŭ 1995 hodzie biełaruska-rasijskaja hranica była całkam likvidavanaja.
Pavodle Lenta.ru, Rasija apošnija 23 hady faktyčna i jurydyčna nijak nie kantraluje tysiaču kiłamietraŭ miažy na zachadzie (havorka pra miažu Biełaruś-ES). Hetuju funkcyju vykonvajuć mytnyja i pamiežnyja viedamstvy Biełarusi.
Vydańnie śćviardžaje, što pik kantrabandnych pastavak byŭ dasiahnuty z 2014 hoda. Žurnalist pryvodzić nastupnyja danyja:
«U 2013 hodzie Polšča ekspartavała ŭ Rasiju 751 tysiaču ton jabłykaŭ. Paśla ŭviadzieńnia embarha handal abvaliŭsia. Adnak polski ekspart u Biełaruś rezka vyras — sa 153 tysiač ton u 2013-m da 550 tysiač ton u 2016 hodzie. Ci mahło tak rezka vyraści spažyvańnie polskich jabłykaŭ u Biełarusi — pytańnie rytaryčnaje».
Paźniej Biełaruś stała eksparcioram i bolš ekzatyčnych tavaraŭ.
Dajšło da taho, piša Lenta.ru, što supracoŭniki FSB Rasii pačali znachodzić nielehalnyja padpolnyja aŭtadarohi, zbudavanyja admysłova dla kantrabandy jeŭrapiejskich praduktaŭ ź Biełarusi.
Biełaruskija ŭłady admaŭlajuć, što kantrabanda maje dziaržaŭny charaktar, ale rasijskija žurnalisty ŭpeŭnienyja, što heta nie tak. Biełaruś — aŭtarytarnaja kraina, Łukašenka kantraluje ŭsie siłavyja struktury ŭ krainie, tamu ŭsio adbyvajecca ź jaho viedama.
Rasijskaje vydańnie piša pra cełyja łahistyčnyja centry ŭ Biełarusi, jakija nibyta zajmajucca pierarobkaj siertyfikataŭ jakaści ŭ pramysłovych maštabach. Takija centry zabiaśpiečvajuć lehalizacyju sankcyjnych tavaraŭ.
Jak śćviardžaje namieśnik dekana fakulteta suśvietnaj palityki Vyšejšaj škoły ekanomiki Andrej Suzdalcaŭ, jaki žyŭ u Biełarusi z 1993 pa 2006 hod, pakul nie byŭ departavany z krainy, arhanizacyjaj kantrabandnych pastavak zajmajucca biełaruskija aliharchi, jakija, pa jahonym mierkavańni, znachodziacca pad poŭnym kantrolem biełaruskich uład.
Varta adznačyć, što Minsk nie raz abviarhaŭ abvinavačvańni ŭ kantrabandzie. U toj ža čas Biełaruś rašuča adstojvaje svajo prava na svabodu handlu z trecimi krainami. Da prykładu, Biełaruś zakuplaje rybnuju syravinu i vyrablaje ź jaje pradukty ŭ tym liku dla rasijskaha rynku.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki8
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary