Suvierenitet Biełarusi — heta ludzi, jakija štodzionna ščyra i sumlenna vykonvajuć svaju rabotu. Ab hetym Alaksandr Łukašenka zajaviŭ siońnia ŭ čas uručeńnia dziaržaŭnych uznaharod, paviedamlaje BiełTA.
«Uručeńnie ŭznaharod napiaredadni hałoŭnaha dziaržaŭnaha śviata asabliva simvalična i znamianalna. Pakolki, havoračy ab niezaležnaści krainy, my majem na ŭvazie narod. Naš suvierenitet - heta ludzi, jakija štodzionna ščyra i sumlenna vykonvajuć svaju rabotu: zachoŭvajuć mir i paradak na rodnaj ziamli, zastajučysia ŭzoram mužnaści i viernaści słužbovamu abaviazku; umacoŭvajučy ekanamičnuju stabilnaść, pracujuć na vytvorčaściach, budoŭlach, u navukovych łabaratoryjach, na fiermach i palach; zabiaśpiečvajuć sacyjalnuju padtrymku nasielnictva, pracujučy ŭ śfierach achovy zdaroŭja, adukacyi, u hramadskich arhanizacyjach; farmirujuć imidž krainy svaimi spartyŭnymi pieramohami i dasiahnieńniami», - padkreśliŭ biełaruski kiraŭnik.
Pavodle słoŭ Alaksandra Łukašenki, słava zaŭsiody znachodzić taho, chto ŭ svajoj pracy ščyra imkniecca prynieści karyść Ajčynie, dla kaho ŭznaharodaj u pieršuju čarhu źjaŭlajecca vynik jaho dziejnaści. «Mienavita takija ludzi, zachoplenyja spravaj, sapraŭdnyja prafiesijanały i patryjoty Radzimy, sabralisia ŭ hetaj zale. Vy i jość samaja nadziejnaja apora našaj dziaržavy. Źjaŭlajučysia ŭzornymi śpiecyjalistami, robicie značna bolš, čym raskazvajuć pra vas uznaharodnyja listy. Źjaŭlajeciesia samym krasamoŭnym prykładam majsterstva i asabistaha pośpiechu dla ŭsich, chto znachodzicca pobač z vami. A značyć, mianiajecie žyćcio da lepšaha», — skazaŭ jon.
Kamientary