U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Praz napłyŭ turystaŭ kvatery ŭ centry Hrodna istotna vyraśli ŭ canie.
Dvuchpakajoŭka, jakuju pradajuć, znachodzicca ŭ samym centry Hrodna pa adrasie Stefana Batoryja, 10. Mieścicca jana na 4‑m paviersie doma 1960 hoda pabudovy. Heta typovaja cahlanaja chruščoŭka.
Ramont u kvatery bolš, čym ścipły. U haścioŭni staraja draŭlanaja padłoha, pafarbavanaja ŭ karyčnievy koler.
U spalnym pakoi padłoha taksama karyčnievaja, ale ŭžo pakrytaja DVP, a na stoli — kasietony.
Ramont u kuchni i vannym pakoi taksama daloka nie samy sučasny.
Sami haspadary apisvajuć abjekt jak kvateru, prydatnuju dla pražyvańnia, ale biez sučasnaha ramontu.
Adnak dla zvyčajnaha pražyvańnia jana mała kamu cikavaja. Za dvuchpakajoŭku z ahulnaj płoščaj 43 m² prosiać 82 900 dalaraŭ. Heta amal pa 2 tysiačy za kvadrat pry siarednim košcie mietra pa Hrodnie kala 1100 dalaraŭ.
Praŭda, i sami pradaŭcy ŭ apisańni paznačajuć, što kvatera maje «idealnaje raźmiaščeńnie dla apartamientaŭ na sutki haściam našaha horada».
Aproč vyhadnaha miesca, dadatkovuju vartaść hetaj kvatery nadaje vid z voknaŭ. Z akna kuchni i bałkona haścioŭni adkryvajecca vid na adnu z hałoŭnych słavutaściej horada — Farny kaścioł.
Akno spalni vychodzić na Savieckuju płošču.
Dla pasutkavaj zdačy ŭ arendu takaja kvatera sapraŭdy cikavy varyjant, bo Hrodna ŭ apošnija hady pieražyvaje sapraŭdny turystyčny bum, praz što ceny na kvatery ŭ centry horada mocna vyraśli.
Kamientary