Para, špitalizavanaja ŭ krytyčnym stanie ŭ horadzie Ejmśbiery niepadalok ad Sołśbiery, dzie atrucili eks-pałkoŭnika HRU Siarhieja Skrypala i jaho dačku Juliju, taksama była atručanaja rečyvam hrupy «Navičok», paviedamlaje palicyja hrafstva Uiłtšyr.
Rasśledavańnie ŭziaŭ na siabie Kontrterarystyčny adździeł brytanskaj palicyi.
45-hadovaha Čarli Roŭli i 44-hadovuju Don Sterdžes špitalizavali ź ich žyłoha doma viečaram u subotu, 30 červienia.
Roŭli i Sterdžes — hramadzianie Brytanii, žychary Ejmśbiery. Palicyja šukaje ich svajakoŭ, ale znajści pakul nikoha nie ŭdałosia.
Ciapier jany abodva znachodziacca ŭ krytyčnym stanie, bolš da palicejskich z takimi simptomami nichto nie źviartaŭsia.
Kim pracavali paciarpiełyja, pakul nie paviedamlajecca, adnak pradstaŭnik palicyi na bryfinhu zajaviŭ, što ŭ ich bijahrafii niama ničoha takoha, što navodzić na padazreńni ab ich adnosinach da śpiecsłužbaŭ.
U palicyi ličać, što Roŭli i Sterdžes nie mahli być abjektami zamachu. Imavierna, jany ŭstupili ŭ kantakt ź niervova-paralityčnym rečyvam vypadkova. Palicyi pakul nie viadoma, jakim čynam moh raspaŭsiudžvacca «Navičok».
Samaja vidavočnaja zdahadka, što heta mahli być reštki toj partyi, jakoj atrucili Skrypaloŭ, heta była častka narychtavanaha rečyva dla zamachu ŭ sakaviku, jakuju vykinuli za niepatrebnaściu.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina11
Kamientary