U śviecie nazirajecca pašyreńnie vajennych błokaŭ i sajuzaŭ va ŭron biaśpiecy inšych krain. Na heta Alaksandr Łukašenka źviarnuŭ uvahu siońnia ŭ čas cyrymonii ŭšanavańnia vypusknikoŭ vyšejšych vajennych navučalnych ustanoŭ i vyšejšaha aficerskaha składu ŭ Pałacy Niezaležnaści, paviedamlaje BiełTA.
«Na žal, jak ja ŭžo nie adnojčy adznačaŭ, novaje stahodździe nie pryniesła čałaviectvu pazbaŭleńnia ad vojnaŭ. U arsienale mižnarodnych adnosin adnym ź instrumientaŭ źniešniaj palityki pa-raniejšamu zastajecca ŭzbrojenaja ahresija. Nazirajecca pašyreńnie vajennych błokaŭ i sajuzaŭ va ŭron biaśpiecy inšych krain», - skazaŭ Alaksandr Łukašenka.
Jon adznačyŭ, što ŭ hetych niaprostych umovach Biełaruś paśladoŭna pravodzić miralubnuju palityku. Realizuje miery, jakija dazvalajuć zachavać mir nie tolki ŭ rehijonie.
«Naša kraina prapanavała suśvietnaj supolnaści źniešniepalityčnyja inicyjatyvy, u asnovie jakich lažać idei źnižeńnia napružanaści i ŭmacavańnia mier davieru ŭ rehijonie. Byccam by, nas čujuć, ale dziejańni pakul nie robiać - jasna, čamu», - kanstatavaŭ kiraŭnik dziaržavy.
Biełarusy, jak nijakaja inšaja nacyja, ceniać mir, biaśpieku i niezaležnaść, padkreśliŭ Alaksandr Łukašenka. «Hetyja važniejšyja dasiahnieńni našaha naroda majuć patrebu, naturalna, u nadziejnaj abaronie», — dadaŭ jon.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła11
Kamientary