Łatvija nacyjanalizuje bank «Pareks», a Isłandyja spadziajecca ŭžo na Kitaj.
nacyjanalizuje bank «Pareks», a Iślandyja spadziajecca ŭžo na Kitaj.
Łatvijski ŭrad nacyjanalizavaŭ druhi pa vieličyni bank krainy — Parex Banka. Pryblizna za try eŭra dziaržava zavałodała 51 adsotkam akcyjaŭ «Pareksa», paviedamiŭ premjer‑ministar Ivarc Hodmanis paśla dzieviacihadzinnaha pasiedžańnia kabineta. Ministar finansaŭ Atys Słakterys tłumačyŭ rašeńnie tak: uradu davodziłasia vybirać — abo dapuścić bankructva banku, abo padtrymać finansavuju systemu. Bankructva abyšłosia b padatkapłatnikam prykładna ŭ miljard dalaraŭ.
«Pareks» źjaŭlajecca najbujniejšym bałtyjskim bankam, jaki nie naležyć zachodniamu ŭładalniku. Bank maje svaje filii i pradstaŭnictvy ŭ piatnaccaci krainach śvietu — ad Uzbekistanu da Brytanii. Pieršaje svajo zamiežnaje pradstaŭnictva Pareks adčyniŭ u Biełarusi ŭ 1993 hodzie. Jašče ŭ Miensku majecca pareksaŭskaja lizynhavaja kampanija.
U apošnija hady bank usio šyrej razhortvaŭ svaju dziejnaść na Zachadzie, pryvablivajučy ludziej vysokimi adsotkami pa ŭkładoch. «Vałodajučy aktyvami ŭ pamiery 4,3 miljarda eŭra, bank «Pareks» z štab‑kvateraj u Ryzie źjaŭlajecca adnym z najbujniejšych bałtyjskich bankaŭ», — havorycca na sajcie banku. Niamieckaja jaho staronka navat praciahvaje badziora ćvierdzić: «Bank Pareks pavialičvaje svoj kapitał«.
Pakul niajasna, što budzie aznačać nacyjanalizacyja dla ludzkich układaŭ. Pavodle zajavaŭ «Pareksu», bankaŭskija ŭkłady pamieram da 50 000 eŭra abaronienyja łatyskim strachavym fondam.
Tym časam isłandzki ŭrad robić čarhovy sumnieŭny krok (paśla raniejšaj idei pazyčańnia rasiejskich hrošaj) dla vyrašeńnia prablemaŭ finansavaj systemy svajoj krainy. Iślandyi pahražaje bankructva i premjer‑ministar krainy Hiejr Chorde źviarnuŭsia pa dapamohu da Kitaju. Jon napisaŭ kitajskamu kalehu, ale pakul nie atrymaŭ adkazu, paviedamiŭ Chorde ŭ radyjovystupie. U ciapierašnich abstavinach, zaznačyŭ jon, my «adkrytyja dla ŭsiaho».
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary