Rečycki «Rytm», dzie kaliści vypuskali kamplektujučyja dla kaśmičnaha karabla «Buran», pryznali bankrutam.
Sioleta ŭ lipieni inśpiekcyja pa padatkach i zborach pa Rečyckim rajonie źviarnułasia ŭ sud z zajavaj ab ekanamičnaj niepłaciežazdolnaści AAT «Rytm», jak daŭžnika, što likvidujecca. U zajavie było ŭkazana, što pradpryjemstva z 15 sakavika znachodzicca ŭ pracesie likvidacyi pa rašeńni ahulnaha schodu akcyjanieraŭ. Zapazyčanaść pierad biudžetam AAT «Rytm» składaje 1410 tysiač rubloŭ. Kredytorskaja zapazyčanaść na 30 maja składała 3412 tysiač rubloŭ. Pry hetym košt aktyvaŭ pradpryjemstva składaje tolki 2417 tysiač rubloŭ.
AAT «Rytm» staŭ zaniepadać dva dziesiacihodździ tamu. U 2010 hodzie ŭłady raspačali sprobu jaho reanimacyi. Na nievykarystoŭvajemych płoščach arhanizavali vytvorčaść miednaj katanki sumiesnym pradpryjemstvam «Katech-Paleśsie». Na adkryćci vytvorčaści prysutničali vysokapastaŭlenyja hości ź Irana. Ułaśnik novaj vytvorčaści hramadzianin Irana Ramin Mansuryjan ukłaŭ u pradpryjemstva 5 miljonaŭ dalaraŭ ZŠA, i płanavaŭ inviestavać jašče 13 miljonaŭ
Adnak inviestycyjnyja płany pieravažna tak i zastalisia tolki na papiery.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary